Cənubi Qafqaz forumunun iştirakçıları nəyi müzakirə edəcəklər?

Mayın 7-8-də Bakıda keçiriləcək Cənubi Qafqaz forumunda 60-dan çox fəaliyyətdə olan, keçmiş dövlət və hökumət başçıları, məşhur siyasətçilər, habelə 70 dövlətdən 400 ekspert iştirak edəcək.

Görüş iştirakçıları demokratiya, inklüziv və sosial cəhətdən həmrəy cəmiyyət, iqtisadi, sosial və siyasi hüquqlar və qadınların imkanları məsələlərini müzakirə edəcəklər.

Forum Nizami Gəncəvi adına Beynəlxalq Mərkəz və Madrid klubu tərəfindən təşkil olunur.

Onun əsas məqsədi Madrid Klubu üzvlərinin hakimiyyət orqanları və Azərbaycanda digər maraqlı qurumlarla yuxarıda qeyd edilən məsələlər üzrə təcrübə mübadiləsidir.

Forum iştirakçıları arasında Gürcüstan prezidenti Mixail Saakaşvili, İordaniya kraliçası Nur, İordaniya senat başçısı Tair əl-Məsri, İsrailin keçmiş baş naziri Ehud Baraka, Yunanıstan XİN-in keçmiş rəhbəri Dora Bakoyannis, İranlı hüquq müdafiəçisi, Nobel sülh mükafatı laureatı Şirin Ebadi, BMT baş katibinin xüsui müşaviri Nafis Sadik, Latviyanın keçmiş prezidenti Vayra Vike-Freyberq, Finlandiyanın keçmiş prezidenti Tarya Xalonen, YUNESKO-nun keçmiş baş direktoru Federiko Mayor və başqaları var.

Beynəlxalq Nizami Gəncəvi Mərkəzi 2012-ci ildə qeyri-kommersiya, qeyri-siyasi təşkilat kimi yaradılıb və Azərbaycan mütəfəkkiri Nizaminin irsini və bütünlükdə Azərbaycan mədəniyyətini təbliğ edir.

Madrid Klubu demokratiyanın və beynəlxalq ictimaiyyətdə dəyişikliklərin irəlilədilməsi məqsədilə yaradılmış müstəqil qeyri-kommersiya təşkilatıdır. Dünyanın 56 ölkəsindən 80 keçmiş prezident və baş nazirdən ibarətdir, dünyada keçmiş dövlət və hökumət başçılarının ən böyük forumudur. -06D-

 

Rəy yaz

Siyasət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti