Ceyhun Bayramov: “Azərbaycanın Ermənistana qarşı ərazi iddiası yoxdur”
Şənbə günü Ermənistanın baş nazirinin keçirdiyi mətbuat konfransında həqiqəti əks etdirməyən fikirlər səsləndirilib. Bu barədə Azərbaycanın xarici işlər naziri Ceyhun Bayramov Serbiyanın xarici işlər naziri Marko Curiçlə birgə keçirilən mətbuat konfransında çıxışı zamanı bildirib.
O deyib ki, Azərbaycan sülh sazişisi üzrə növbəti versiyasını 24 iyun tarixində təqdim edib.
“Ermənistan isə baş nazirin şənbə günü keçirilən mətbuat konfransından bir neçə saat öncə yeni versiyasını Azərbaycana təqdim etdi. Saziş layihəsi üzrə danışıqlar 2 ilə yaxındır davam edir. Bu müddət ərzində olduqca böyük irəliləyiş əldə olunub. Sazişin imzalanmasını mümkünsüz edə biləcək əlavə meyarlar mövcuddur. Bunlardan ən önəmlisi Ermənistanın qonşularına qarşı ərazi iddialarından əl çəkməməsidir. Bu, qəbuledilməzdir.
Sülh danışığı üzrə proseslər davam etdikdə bu əsas məsələnin həlli vacibdir. Həmin zaman Ermənistan Azərbaycan konstitusiyası ilə bağlı məsələ qaldırmırdı. Ermənistan artıq başa düşdü ki, bu məsələni görməzdən gəlmək mümkün olmayacaq. Bu zaman başladılar deməyə ki, Azərbaycan konstitutiyasında da belə məsələ var. Amma bu, həqiqət deyil. Azərbaycanın heç bir dövlətə qarşı ərazi iddiası yoxdur”, - o bildirib.
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz