Ceyhun Bayramov Luis Bononu qəbul edib
Martın 18-də xarici işlər naziri Ceyhun Bayramov ABŞ Dövlət Departamentinin Cənubi Qafqaz üzrə xüsusi nümayəndəsi Luis Bononu qəbul edib.
Azərbaycan Xarici İşlər Nazirliyinin məlumatında deyilir ki, görüş zamanı ikitərəfli münasibətlər, regionda vəziyyət və Azərbaycanla Ermənistan arasında normallaşma prosesi müzakirə olunub.
“Bayramov Münhen Təhlükəsizlik Konfransı və Berlində keçirilmiş görüşlərdən irəli gələn məsələlərə diqqəti yönəldib. O, Azərbaycanın sülh prosesində gözləntiləri barədə bildirib və açıq qalan məsələlər üzrə Bakının mövqeyini diqqətə çatdırıb.
Azərbaycanın sülh prosesinə sadiqliyi qeyd olunub”, - Azərbaycan Xarici İşlər Nazirliyinin məlumatında deyilir.
Siyasət
-
Azərbaycan Ombudsmanı yanında Milli Preventiv Qrupun üzvləri 1 saylı Bakı İstintaq Təcridxanasında jurnalistlərə və fəallara baş çəkiblər, xəbəri insan hüquqları müvəkkilinin aparatının mətbuat xidməti yayıb.
-
İsrail Xarici İşlər Nazirliyinin Qüdsdə siyasət məsələləri üzrə direktoru Aliza Bin Nun Azərbaycan XİN-də və Prezident Administrasiyasında danışıqlar aparıb.
-
Hüquq Müdafiəçilərinin Müdafiəsi üzrə Beynəlxalq Observatoriya Azərbaycanda Anar Məmmədlini və digər siyasi məhbusları azad etməyə çağırıb.
-
Mayın 8-də Bakının Xətai Rayon Məhkəməsi seçkilər sahəsində məşhur hüquq müdafiəçisi Anar Məmmədlinin ev dustaqlığına keçirilməsi haqqında vəsatəti təmin etməyib. Bu barədə Turan-a onun vəkili Elmar Süleymanov bildirib. Vəkil qeyd edib ki, müdafiə tərəfi A.Məmmədlinin həbsi üçün heç bir əsas yoxdur.
Rəy yaz