Ceyhun Bayramov: “Qarabağ nizamlanması üzrə danışıqlar predmetli olmalıdır”

Bakı/29.07.20/Turan: Qarabağ münaqişəsinin nizamlanması üzrə danışıqlar real və obyektiv olmalıdır. Bu barədə Azərbaycanın xarici işlər naziri Ceyhun Bayramov RF-nin Bakıdakı səfiri Mixail Boçarnikov ilə görüşündə bildirib.

XİN-in mətbuat xidmətinin məlumatına görə, nazir “Azərbaycan və Rusiya arasında münasibətlərin strateji xarakter daşıdığını” qeyd edib və bu, qarşılıqlı maraqlara cavab verir, regionda sabitliyi təmin edir”, - deyə XİN rəhbəri vurğulayıb.

Həmsöhbətlər sənaye, turizm, nəqliyyat və kommunikasiya, təhsil və digər sahələrdə əlaqələrin inkişafından məmnun olduqlarını bildiriblər.

Görüş zamanı tərəflər regionda cari vəziyyətə, o cümlədən bu yaxınlarda Tovuz rayonunda gedən döyüşlərə və ermənilərin xaricdəki azərbaycanlı nümayişçilərə hücumlarına toxunublar.

Öz növbəsində Boçarnikov  qeyd edib ki, Dağlıq Qarabağ münaqişəsinin nizamlanması məsələsi daim diqqət mərkəzindədir və münaqişə ilə bağlı Rusiyanın mövqeyi bəllidir, məlumatda bildirilir.

Qeyd edək ki, ötən gün Rusiyanın Ermənistandakı səfiri Kopırkin bu ölkənin müdafiə naziri Tonoyanla sərhəddə gərginlik məsələsini müzakirə edib.–06D-