Şənbə günü axşam saatlarında məşhur İran dissidenti, İran azərbaycanlılarının milli-azadlıq hərəkatının liderlərindən biri Mahmudəli Çöhrəqanlı İstanbul hava limanından Vaşinqtondan gəldiyi təyyarə ilə ABŞ-ya geri deportasiya olunub. İstanbuldakı mənbələrdən Turan-a verilən məlumata görə, Çöhrəqanlını öz qurultaylarına dəvət etmiş Milli Hərəkat Partiyasının nümayəndələri hava limanına gəliblər.
GAMOH lideri Mahmudəli Çehrəqanlı 6 ildən sonra Türkiyəyə gedib
Cənubi Azərbaycan Milli Oyanış Hərəkatının ABŞ-da mühacirətdə yaşayan lideri doktor Mahmudəli Çehrəqanlı 6 ildən sonra ilk dəfə Türkiyəyə yola düşüb. O, müxalifətdə olan Milliyyətçi Hərəkat Partiyasının (MHP) bazar günü keçiriləcək fövqəladə qurultayına fəxri qonaq qismində dəvətlidir.
“Ümidliyəm, güman edirəm Türkiyəm bu dəfə məni deport etməz”,- GAMOH lideri cümə günü Vaşinqtonun Dulles hava limanında Turan-ın müxbiri ilə söhbətində deyib. O 2006-ci ildən nə Azərbaycana, nə də Türkiyəyə gedə bilmir, baxmayaraq ki, bu problemin aradan qaldırılması üçün durmadan addımlar atır. Sonuncu dəfə ötən həftə MHP-nin dəvətilə Vaşinqtondakı Türkiyə səfirliyi ilə əlaqə yaradıb, ancaq viza almağa müvəffəq olmayıb. Öz növbəsində, Ankarada partiya liderləri müvafiq qurumlarla əlaqə yaradaraq GAMOH sədrinin səfərinin leqallaşmasına çalışıblar. “Mənə deyildi ki, Amerika pasportunuz varsa, Ankarada hava limanında viza ala bilərsiniz, problem yoxdur”, - o vurğulayıb. “Məni Ankarada Esenboğa hava limanında dostlar və Azərbaycan sevənlərdən ibarət izdiham qarşılayacaq. Əllərində Azərbaycan bayrağı, Rəsulzadə, Elçibəyin portretlərini və müxtəlif şüuarlar qaldıracaqlar. Yerli vaxtla şənbə günü saat 17:10-dan orada olacağam”, - GAMOH lideri əlavə edib.
Qurultaydankənar mümkün görüşləri barədə suala Çehrəqanlı qeyri-əminliklə cavab verib. “Önəmli olan qapıların açılmasıdır”, - o vurğulayıb. GAMOH lideri Türkiyə səfərindən sonra Bakıya getmək üçün səylərini Vaşinqtonda davam etdirəcək. “Bakı üçün çox darıxmışam. Ən qısa zamanda ora gedəcəyəm. Nə olur-olsun, gedəcəyəm...”, - o bildirib.
İran ətrafında son vəziyyəti qiymətrləndirən Çehrəqanlı tezliklə, regionda “misli görünməmiş dəyişikliklərin olacağını" proqnozlaşdırıb.
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz