COP29 məkanından aksiyalar keçirilib
Noyabrın 18-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda iqlim və feminist fəalları ekoloji çirklənməyə qarşı bir neçə etiraz aksiyası keçirib.
Feminist qadınların aksiyası “Feministlər iqlim ədaləti tələb edir!”, “Feministlər xətti tutur!” şüarları altında keçirilib. Aksiyada iqlim dəyişikliyinə qarşı mübarizə üçün sənaye dövlətlərinin pul ödəməsi tələb edilib.
Bu gün ekofəllar, o cümlədən Afrika qitəsi ölkələrindən, həmçinin Nigeriyadan olan fəallar aksiyalar keçirib.
Aksiyalarda “İqlim maliyyəsini dekolonize edin!”, “Afrika gəncləri iqlim ədaləti tələb edir!”, “Öhdəliyiniz hesabına bizi istismar etməyi dayandırın!”, “Maliyyələşdirmə ehtiyac əsaslı maliyyələşdirmədir!”, “Karbon bazarları hesabına torpaq ələ keçirməyi dayandırın!”, “Niger deltasında qalıq yanacaq hasilatını dayandırın!”, “Planeti yandırmayın!”, “İqlimə ədalət!”, “Nefti çıxarmayın, torpaqda saxlayın!”, “Mənim vergimi mədən yanacağına sərf etməyi dayandırın!” və başqa şüarlar qaldırıblar.
Siyasət
-
Azərbaycanda həbs edilmiş tədqiqatçı İqbal Əbilovun 35 yaşının tamam olduğu gün həmkarları və yoldaşları onun işinə diqqət cəlb etmək üçün Avropanın müxtəlif şəhərlərində, o cümlədən Vilnyus, Belqrad, Varşava və Portoda aksiyalar keçiriblər.
-
İbtidai istintaqın yekunlarına görə Kanal-13 İnternet-TV-nin direktoru Əziz Orucova qarşı CM-in 206.3.2-ci (qaçaqlamçılıq, qabaqcadan əlbir olan bir qrup şəxs tərəfindən törədildikdə) maddəsi ilə irəli sürülmüş ittiham ləğv edilib.
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
Rəy yaz