Dekabrın 9-da məşhur Hollivud aktyoru, Vitali və Vladimir Kliçkonun dostu Corc Kluni Avromeydana və öz hüquqları və ölkədə demokratik dəyərlərin təsdiq edilməsi uğrunda mübarizə aparan bütün ukraynalılara dəstək ifadə edib. Bu barədə o, ukraynalılara “UDAR” partiyasının saytında yerləşdirilmiş videomüraciətdə bildirib.
“Sizə, cəsur ukraynalılara, keçmiş deyil, gələcək uğrunda mübarizlərə müraciət edirəm! Biz, amerikalalar demokratiyaya can atmaqda sizinlə bənzərik. Sınaqlar və səhvlər yolu ilə dərk etdik ki, azad, ədalətli və şəffaf seçkilər olmadan əsl demokratiya olmaz”, deyə Corc Kluni bildirib.
Onun sözlərinə görə, ölkədə siyasi məhbuslar varsa, demokratiya ola bilməz. “Siyasi məhbuslar, xüsusən Timoşenko kimiləri varsa, demokratiya dəqiq yoxdur. Buna görə Kiyevdə meydanda olanlara və bütün Ukraynadakılara demək istəyirəm ki, Qərbə baxanda bilin ki, biz sizə qürur dolu gözlərlə baxırıq.
Sizə istədiyiniz kimi hakimiyyət arzu edirik. Və bu yolda mübarizə aparmaq üçün güc-qüvvə arzu edirik”, deyə Kluni bildirib. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz