QHT-lər haqqında qanunvericiliyə məhdudiyyətlər hazırlanır

Milli Məclisin 17 dekabr tarixli iclasının gündəliyinə vətəndaş cəmiyyəti institutlarının fəaliyyəti ilə bağlı bir sıra qanun layihələri daxil edilib., ictimai birliklər və fondlar haqqında”, “Qrantlar haqqında” qanunlara, İnzibati Xətalar Məcəlləsinə düzəlişlər edilir.

Ekspertlər qeyd edirlər ki, bu yeniliklər vətəndaş cəmiyyəti üçün məhdudlaşdırıcı xarakter daşıyır.

Belə ki, QHT təsisçiləri haqqında məlumatlarla yanaşı, reyestr məlumatlarına təşkilat üzvləri haqqında da məlumatlar da daxil ediləcək.

Media hüquqları sahəsində ekspert Ələsgər Məmmədlinin fikrincə, bu yenilik QHT-lərə dövlət nəzarətini gücləndirir. QHT üzvləri haqqında məlumatdan fəallara təzyiq üçün istifadə oluna bilər.

Digər tərəfdən bu, mühafizəkar, bürokratik işi gücləndirir və reyestr məlumatlarında dəyişikliklər haqqında bildirişin gecikməsi böyük pul cərimələrinə səbəb ola bilər.

“Hüquq və inkişaf” QHT-nin rəhbəri Hafiz Həsənov da təklif edilən yenilikləri mənfi qiymətləndirir. Onun sözlərinə görə, QHT-lər hər 90 gündə bir reyestr məlumatları, o cümlədən təşkilat üzvləri haqqında məlumat verməli olacaqlar.

“Təşkilat üzvləri haqqında məlumatlandırmaya heç bir ehtiyac yoxdur, təsisçilər haqqında məlumat verilməsi kifayətdir”, deyə Həsənov bildirib.

Onun sözlərinə görə, bu düzəlişi hələ 2009-cu ilin yayında qanunvericiliyə digər dəyişikliklərlə bir paketdə qəbul etmək istəyirdilər. Həmin vaxt vətəndaş cəmiyyəti mürtəce dəyişikliklərə qarşı qəti etiraz etdi və onların əksəriyyəti qəbul edilmədi.

Lakin sonradan hakimiyyət taktikasını dəyişdi və qanunları birdən-birə deyil, tədricən sərtləşdirməyə başladı.

Daha bir düzəliş partiyaların üzərinə qərargah mənzillərinin hüquqi ünvanı haqqında məlumat vermək öhdəliyi qoyacaq. Qərargah mənzili olmayan partiyalar dövlət qeydiyyatından məhrum olmaq və ya dövlət qeydiyyatından imtina təhlükəsi ilə üzləşə bilər. -06В-