Çovdarovun həbsi və MTN-nin sabiq nazirinin evində axtarış

 Bazar günü bir necə sayt  bir necə gün öncə işdən cıxarılmış MTN generalı Akif Çovdarovun  həbsi barədə xəbər yayıb.  Qeyri-rəsmi məlumatlara görə, Çovdarov 3 ay müddətinə həbs edilib. Baş prokurorluqdan bu xəbərin rəsmi təsdiqini almaq mümkün olmayıb.

Çovdarova hansı ittihamların irəli sürüldüyü də bəlli deyil.  Ancaq öncə bir cox sahibkar  Çovdarovun onlardan  hədə-qorxu ilə küllü miqdarda pul tələb etdiyini, bizneslərini əllərindən aldığını  bildirmişdi.

Çovdarovun adı bir sıra qətllərdə və adam oğurluqlarında da hallanmışdır.

Deyilənlərə görə, onun  hətta özəl həbsxanası da var imiş va orada sahibkarları saxlayayaraq onlardan pul qoparırmışlar.

Elə bu gün sabiq MTN naziri Eldar  Mahmudovun Badamdar qəsəbəsindəki malikanəsində  axtarış aparıldığı və küllü miqdarda pul və zinyət əşyalarının götürlməsi barədə də məlumatlar yayılıb.

Şahidlərin dediyinə görə, Mahmudovun villası daim DİN-nin Cevik polis alayının nəzarəti altındadır.

Ekspertlərin fikrincə, hakimiyyət baş verənlari adi kriminal kimi təqdim etməyə calışır və MTN-dəki həbsləri siyasiləşdirmək istəmir.

Amma həbslərin miqyası və ittihamların ciddiliyi   belə  deməyə əsas verir ki, MTN-də gercəkdən bir Mütəşəkkil cinayət qrupu  fəaliyyət göstəririmiş.

Maraqlıdır ki, bu qrup digər dövlət orqanarlnda da  fəliyyət göstərən daha kicik analoji qruplarla əlaqəli olub.-02В-