DAK həmsədrlərinin Amerika səfəri
Dünya Azərbaycanlıları Konqresinin (DAK ) həmsədrləri Sabir Rüstəmxanlı və Firudin Pərvizniyanın aprelin 22-dən ABŞ-a səfəri başlayıb. Bu xəbər Turan-a DAK mətbuat xidmətindən verilib. Səfər mayın 2-dək davam edəcək.
DAK rəhbərləri səfər çərçivəsində ABŞ Dövlət Departamenti və Konqresdə bir sıra görüşlər keçirməyi nəzərdə tuturlar. Bu görüşlərdə ABŞ-Azərbaycan əməkdaşlığı, Qarabağ və Güney Azərbaycan probleminin müzakirəsi gözlənilir. Eyni zamanda DAK həmsədrlərinin aprelin 27-də Nyu-Yorkda keçirilməsi nəzərdə tutulan “Erməni yalanlarına son” aksiyasına qatılmaları qərara alınıb. Aksiyanın təşkilatçısı Amerikada fəaliyyət göstərən diaspor və gənclər təşkilatlarıdır. Aksiyada məqsəd ermənilərin qondarma soyqırımını qeyd etdikləri günlərdə erməni yalanlarına qarşı ictimai rəyi formalaşdırmaq, həqiqətləri Amerika ictimaiyyətinə çatdırmaqdır.
DAK həmsədrləri səfər müddətində bu ölkədə fəaliyyət göstərən ictimai qurum və mətbuat nümayəndələri ilə də silsilə görüşlər keçirməyi nəzərdə tutur. Bu görüşlərdə də əsas müzakirə mövzusu Ermənistanın Azərbaycana təcavüzü, Qarabağın işğalı, Güney Azərbaycanda 35 milyondan artıq Azərbaycan türkünün milli azadlıqları uğrunda mübarizəsi müzakirə olunacaq. -05D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz