Foto: İPN к информации. Неизвестно, где оно сделано.
David Qareci: yol, danışıqlar (YENİLƏNİB)
Azərbayan Avtomobil Yolları Dövlət Agentliyindən Turan agentliyinə bildiriblər ki, David Qareci monastr kompleksinin ərazisində yol çəkilməsi barədə məlumat həqiqətəuyğun deyil.
* * *
2019 May 24 (Cümə) 18:24:41
David Qareci: yol, danışıqlar
Bakı/24.05.19/Turan: Azərbaycan tərəfi David Qareci monastr kompleksinin ərazisində, sərhəddin yaxınlığında yol çəkməyə başlayıb. Yerli bələdçi Zviad Ananiaşvili "İnterpressNyus"-a bildirib ki, Azərbaycan tərəfi təxminən iki gündür ki, Çiçxituri qülləsi istiqamətində yamac boyunca yol çəkir.
Onun məlumatına görə, həmin yerdə Azərbaycan tərəfindən inşaat texnikası səfərbər edilib.
"Azərbaycan tərəfi Çiçxituri qülləsi yaxınlığında tikintiyə başlayıb. Çox güman ki, yol həmin istiqamətdə çəkilir. Çiçxituri qülləsinə çatmayıblar, ona 1-1,5 km., bəlkə də çox qalıb", -Z. Ananiaşvili deyib.
Onun sözlərinə görə, Azərbaycan tərəfi yol çəkilişi ilə bağlı işləri intensiv həyata keçirir.
Azərbaycan tərəfi məlumatı şərh etmir.
Məlumat mayın 23-də yayılıb. Həmin gün Bakıda Azərbaycan və Gürcüstan arasında dövlət sərhəddinin delimitasiyası üzrə danışıqlar başlayıb.
Mayın 10-da təsdiqlənmiş dövlət sərhəddinin delimitasiyası üzrə komissiyaya onun yeni rəhbəri, Gürcüstan XİN rəhbərinin müavini Laşa Darsaliya başçılıq edir. Azərbaycan tərəfdən komissiyaya xarici işlər nazirinin müavini Xələf Xələfov rəhbərlik edir
1996-cı ildən ikitərəfli komissiya uzunluğu 446 km. olan Azərbaycan-Gürcüstan dövlət sərhəddinin delimitasiyası üzrə iş aparır. Sərhəddin 70%-i delimitasiya edilib. David Qareci monastr kompleksi həssas məsələ olaraq qalır. Monasrtın bir hissəsi Azərbaycan ərazisinə düşür.
Sovet dönəmində kompleks hərbi poliqonun ərasisində olub, demək olaraq ki, istifadə edilməyib. 0-
Siyasət
-
Rusiya sülhməramlılarının hərbi texnikalarının növbəti partiyası bu gün Azərbaycandan çıxarılıb. Onlarla zirehli maşın Goran dəmiryolu stansiyasında (Goranboy rayon mərkəzi yaxınlığında) yüklənib və Rusiyaya aparılıb.
-
Azərbaycan prezidentinin köməkçisi Hikmət Hacıyev mayın 17-də Ağ Evdə ABŞ prezidentinin milli təhlükəsizlik üzrə müşaviri Ceyk Sallivanla görüşüb.
-
13 saylı cəzaçəkmə müəssisəsində həbs cəzası çəkən Azərbaycan Beynəlxalq Bankının (ABB) keçmiş sədri Cahangir Hacıyevin səhhəti pisləşib. Lakin ona ixtisaslaşmış tibbi yardım göstərilmir, bu barədə Turan-a mayın 17-də Hacıyevlə görüşən vəkil Fəxrəddin Mehdiyev bildirib.
-
Almaniya Parlamentinin”İşıqfor” Koalisiyasının üzvləri, insan haqları siyasətçiləri Renata Alt (FDP), Boris Miyatoviç (Yaşıllar) və Frank Şvabe (SDP) Azərbaycanda Qubad İbadoğlunun və digər siyasi məhbusların azad edilməsinə dair açıqlama yayıblar.
Rəy yaz