![president.az](https://turan.az/resized/news/2024/cnKZPblpZogYZFqVrtQcitT8UnMa3hQ9nsMnFnR6-750-500-resize.webp)
president.az
Dayqa Mierina: Azərbaycan Latviyanın mühüm strateji tərəfdaşıdır
Azərbaycan Latviyanın mühüm strateji tərəfdaşıdır, bu barədə bu Baltika ölkəsinin Seyminin - parlamentinin sədri Dayqa Mierina Bakıda bugünki mətbuat konfransında bildirib.
O, Azərbaycana səfəri çərçivəsində Qarabağa səfər edib, Şuşada və Füzulidə olub.
Mierina qeyd edib ki, beynəlxalq ictimaiyyət nümayəndələrinin işğaldan azad edilmiş ərazilərə səfərləri Azərbaycan reallıqlarının dünya ictimaiyyətinə çatdırılmasında vacib rol oynayır.
Mierina Latviya şirkətlərinin Şuşada tikinti-bərpa işlərində iştirak etməyə hazır olduqlarını bildirib.
Elə bu gün Dayqa Mierinyanı dövlət başçısı İlham Əliyev qəbul edib, o, qonağa Ermənistanla münaqişənin tarixi haqqında məlumat verib.
Öz növbəsində, qonaq Azərbaycan və Latviya xalqları arasında mədəni əlaqələrin tarixinin daha dərin köklərinin olduğunu deyib. Bu xüsusda o, 100 ildən də əvvəl latviyalı rəssam Yulie Straumenin Şuşada yaşadığını və orada müəllim işlədiyini, həmçinin onun Şuşada Azərbaycan xalçalarının kolleksiyasını yaratdığını məmnunluqla xatırlayıb.
Görüşdə beynəlxalq təşkilatlar çərçivəsində ölkələrimiz arasında əlaqələrdən və qarşılıqlı dəstəkdən məmnunluq bildirilib.
Söhbət zamanı ölkələrimiz arasında kənd təsərrüfatı, turizm və digər sahələrdə əməkdaşlıq məsələlərinə toxunulub, Latviyanın kənd təsərrüfatı sahəsində çox yaxşı təcrübəsinin olduğu bildirilib və bu sahədə Azərbaycan ilə əməkdaşlığa maraq ifadə edilib.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz