Demokrat Partiyasının nümayəndəsi: “Baydenin yenidən seçilməsi demokratiyanın yaşaması deməkdir”
Demokrat Partiyasının nümayəndəsi: “Baydenin yenidən seçilməsi demokratiyanın yaşaması deməkdir”
Şimali Karolina Ueyk dairəsində Demokrat Partiyasının sədri Kevin Kriç brifinq zamanı prezident seçkilərindən sonra ABŞ-dakı vəziyyətlə bağlı fikirlərini Turan müxbirilə bölüşüb.
Co Bayden yenidən ABŞ prezidenti seçilsə nə dəyişəcək? Amerikalıların həyatında nə dəyişəcək? Turan agentliyinin bu suallarını cavablandıran Kevin Kriç Baydenin özündən sitat gətirib: "Əgər məni yenidən seçsələr, demokratiyamız sağ qalacaq".
Onun sözlərinə görə, Tramp artıq işarə edib ki, diktator olmaq istəyir. "O, diktator olmaq istəyir, faşist olmaq istəyir, adamları deportasiya etmək, həbsxanaya salmaq istəyir. Biz Amerikanın ruhu və həqiqi demokratiyamız, həmçinin şəxsi və insan hüquqlarına, o cümlədən jurnalistlərin hüquqlarına hörmət edilən ölkə kimi fəaliyyət göstərmək bacarığımız uğrunda mübarizə aparırıq.
O, bizim jurnalistləri də təqib etmək istəyir. Ona görə də bu, bizim üçün çox vacibdir, çünki demokratiyamız təhlükədədir. Ancaq Tramp qalib gələrsə, dünyanın qalan hissəsinə yazığım gələcək",- o deyib.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz