Bu gün Qaradağ rayonunda parlamentin hakim “Yeni Azərbaycan” Partiyasından deputatı Aydın Mirzəzadənin maşını tərəfindən törədilmiş YNH nəticəsində bir nəfər ölüb.
Deputata məxsus Honda markalı maşın yolu keçən 1958-ci il təvəllüdlü Mariya Cavadovanı vurub. Qəza vaxtı deputat özü və daha bir deputat – Elman Məmmədov avtomobildə olub.
Dövlət Yol Polisinin ictimaiyyətlə əlaqələr şöbəsinin rəhbəri Kamran Əliyev bildirib ki, faktla bağlı CM-in 263.2-ci (yol hərəkəti və nəqliyyat vasitəsinin istismarı qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi açılıb.
Əliyev sürücünün həbs edilib-edilməməsi barədə suala inkar cavabı verib və “istintaq aparıldığını” bildirib.
Qeyd edək ki, ötən ilin sonlarında Müsavat Partiyasının 25 yaşlı üzvü Nigar Yaqublu bu maddə ilə 4 il müddətinə azadlıqdan məhrum edilib. O, hələ məhkəmə öncəsi istintaq dövründə həbs edilmişdi. -06В-
Siyasət
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
Rəy yaz