Tbilisi/23.01.13/Turan-BS PRESS: Gürcüstanın müdafiə naziri İrakli Alasaniya dünən axşam Birinci Gürcüstan İctimai Yayım kanalında “Aksent” verilişində bildirib ki, baş nazir Bidzina İvanişvili ilə “ağır söhbəti” olub. Söhbət qarşıda duran prezident seçkilərində namizəd irəli sürülməsindən gedirdi.
Xatırladaq ki, 1 oktaybr 2012-ci il parlament seçkilərində baş nazir İvanişvilinin başçılığı ilə “Gürcü arzusu” koalisiyası ölkədə hakim qüvvəyə çevrildi. Koalisiyaya bir neçə siyasi partiya, o cümlədən İrakli Alasaniyanın lideri olduğu “Azad demokratlar” daxil idi. Gürcüstanda prezident seçkiləri, qüvvədə olan Konstitusiyaya əsasən, 2013-cü ilin oktyabrında keçirilməlidir. Koalisiyanın seçkilərdə vahid namizəd irəli sürüb-sürməyəcəyi hələlik məlum deyil.
Alasaniya İvanişvilinin prezident seçkilərinə namizədliyin onunla razılaşdırılmamasından narazıdır. Alasaniya prezidentliyə öz namizədliyini irəli sürməyi düşünüb-düşünməməsi barədə suala cavabda bildirib ki, bu məsələni koalisiya və onun lideri İvanişvili həll edəcək.
Çərşənbə günü məlum olub ki, yanvarın 21-də Gürcüstan baş naziri səbəb göstərmədən müdafiə naziri Alasaniyanın baş nazirin müavini səlahiyyətlərindən məhrum edilməsi haqqında əmr imzalayıb.
Ola bilər ki, yaxın günlərdə Alasaniyanın Müdafiə Nazirliyindən xaric ediləcək. -02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz