Aİ və Azərbaycan arasında ümumi aviasiya məkanı haqqında danışıqların birinci mərhələsi yanvarın 24-25-də Bakıda keçiriləcək. Bu barədə Aİ-nin Azərbaycan nümayəndəliyinin press-relizində deyilir.
Avropa Komissiyasının nəqliyyat və mobillik üzrə Baş Direktorluğunun və Aİ-nin Bakı missiyasının nümayəndə heyəti Dövlət Mülki Aviasiya Administrasiyasının və Azərbaycanın digər nazirliklərinin və idarələrinin nümayəndələri ilə danışıqlar aparacaqlar.
“Aİ və Azərbaycan arasında aviasiya sazişi ətrafında danışıqların başlanması tək ikitərəfli əlaqələrimizin deyil, eləcə də siyasi əlaqələrimizin, iqtisadi, ticarət və insanlar arasındakı əlaqələrin qüvvətləndirilməsi baxımından mühüm addımdır. Perspektiv tədqiqata əsasən sazişdən sonrakı ilk beş il ərzində Aİ və Azərbaycan arasında səfər edən əlavə sərnişinlərin sayı 860,000 nəfər ola bilər; saziş nəticəsində iqtisadi faydalar əldə ediləcəkdir. Bu, konkret fürsəti əldən qaçırmamalıyıq. Aİ xüsusilə də regionda artıq bir sıra ölkə ilə belə sazişlər imzalamışdır, danışıqlar masasında Azərbaycanın da eyni siyasi iradə göstərəcəyinə ümidvaram”, deyə Aİ-nin Azərbaycan nümayəndəliyinin rəhbəri Roland Kobia bildirib.
Avropa Komissiyası 2011-ci ilin oktyabrında Aİ-yə üzv 27 dövlətdən Azərbaycanla ümumi aviasiya məkanı haqqında sazişin imzalanması haqqında danışıqlar aparmaq üçün mandat alıb.
Aİ Qərbi Balkan ölkələri, Gürcüstan, Moldova, Mərakeş, İordaniya, İsraillə eyni saziş imzalayıb, hazırda Ukrayna, Livan və Tunislə danışıqlar aparmaqdadır.
Aİ-nin “Vahid Avropa Səması” ideyası istənilən üzv ölkəyə marşrut və uçuşların sayının (tezlik) seçilməsi ilə bağlı hər-hansı məhdudiyyətsiz uçuşlar həyata keçirməyə imkan verir və bu uçuşların saziş iştirakçısı olan ölkənin istənilən aviasiya şirkəti tərəfindən həyata keçirilməsinə imkan verir. -06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz