Deputatlar Avropanı tənqid etməkdə yarışa giriblər (YENİLƏNİB)

Milli Məclisdə Avropa Parlamentinin 10 sentyabr qətmanəsinin tənqidinə həsr olunan qızğın debatlar davam edir.

Spiker Oqtay Əsədov qətnaməni pisləyərək deputatları jurnalist Rasim Əliyevin qətlini siyasiləşdirməməyə çağırıb. “Məişət zəminində qətli siyasi iş kimi təqdim etmək ədalətsizlikdir. Qətnamədə bu cür faktların xatırlanması onun qeyri-obyektivliyindən xəbər verir”, - O.Əsədov bildirib.

Sonra O.Əsədov Avropa Parlamentinin rəhbəri Martin Şultsa hücuma keçib, onu “korrupsiyaya uğramış lobbiçilərlə” əməkdaşlıqda ittiham edib.

Sonra o, Avropada qaçqınlar mövzusuna toxunaraq avropalıları laqeydlikdə ittiham edib. “Avropada 7 mln. kv. kilometr ərazi var və bir milyard əhali var, onlar isə 300-400 min nəfəri qəbul edə bilər. 20 faizdən çox ərazisi işğal edilən Azərbaycan isə 1 milyondan çox qaçqın qəbul edib. Mən buna baxa bilmirəm, onlar qaçqınlarla qeyri-insani rəftar edirlər, budur Avropa dəyərləri?”, - O.Əsədov hiddətlənib və estafeti öz müavini Ziyafət Əsgərova verib.

Vitse-spiker çıxışı çox qısa olub: “Siz kimsiniz, cənab Şults, Azərbaycandan əl çəkin!”.

Sonra deputatlar Vahid Əhmədov, Qüdrət Həsənquliyev, Sabir Rüstəmxanlı, Siyavuş Novruzov və digərləri Avropa Parlamentinin qətmanəsini pisləməyə davam ediblər.-16D-

2015 Sentyabr 14 (Bazar ertəsi) 13:37:03

“Biz beynəlxalq təşkilatlarda iştirakımızla bağlı qəti qərara gəlməliyik. Hesab edirəm ki, Nazirlər Kabinetinə müraciət etməliyik ki, “Şərq tərəfdaşlığı” proqramına yenidən nəzər salısın”. Bunu Milli Məclisin sədri Oqtay Əsədov parlamentin bugünkü növbədənkənar plenar iclasında deyib.

O.Əsədov hesab edir ki, Avropa Parlamenti Azərbaycanla bağlı qərəzli qətnamələr qəbul etməklə   davranış qaydalarını pozub.

Spiker  bildirib ki, bu qətnamənin qəbul edilməsinin əsas hədəflərindən biri Azərbaycanı Avropadan təcrid etmək, nüfuzuna xələl gətirmək və Dağlıq Qarabağ məsələsində Azərbaycana hansısa şərtlər qəbul etdirməkdir:

Xatırladaq ki, Milli Məclisi növbədənkənar iclasında məqsəd Avropa Parlamentinin 2015-ci il 10 sentyabr tarixli qətnaməsinin müzakirəsidir.  Avropa Parlamentinin sentyabrın 10-da qəbul etdiyi qətnamədə Azərbaycandakı siyasi məhbusların buraxılması tələb olunur. Siyasi fəalların təqibçisi kimi tanınan hakimlərə, rəsmilərə viza verilməsinin qadağan olunması bildirilir. -16D-