![Deputatlığa namizəd seçki məntəqəsində fiziki zorakılığa məruz qaldığını bildirib](https://turan.az/resized/news/2024/rwSv8RaiAVoO27GxrGXv1pWHDe9wzd9qx0wlkYVE-750-500-resize.webp)
Deputatlığa namizəd seçki məntəqəsində fiziki zorakılığa məruz qaldığını bildirib
Deputatlığa namizəd seçki məntəqəsində fiziki zorakılığa məruz qaldığını bildirib
70 saylı Neftçala seçki dairəsindən deputatlığa namizəd, ictimai fəal Vəfa Nağı Qaçaqkənd kəndindəki 40 saylı seçki məntəqəsində fiziki zorakılığa məruz qaldığını bildirib.
Onun sözlərinə görə, o, seçki məntəqəsinə evdə daşınan qutulardan istifadə edərək səs vermək istəyənlərin çox olması barədə məlumatla əlaqədar gəlib.
Namizəd bunu yoluna qoymaq istədiyini və müşahidəçisi ilə əlaqə saxlayan zaman digər namizədin nümayəndəsi Tənzili Rüstəmxanlının hücumuna məruz qaldığını bildirib.
Qızın dediyinə görə, Rüstəmxanlının nümayəndəsi onun üzünə zərbə vurub.
Onun müşahidəçisi və məntəqədə olan jurnalist də fiziki təzyiqlərə məruz qalıb və onların üçü də zorla məntəqədən çıxarılıb.
Nağı polisə şikayət edib.
Rüstəmxanlının nümayəndəsi Hüseyn Qurbanov Nağının seçki məntəqəsinə daxil olaraq “səs-küy saldığını”, “məntəqə komissiyasının sədrinin başına kitab vurduğunu”, “səsvermə bülleteni alan insanlara mane olmağa” başladığını bildirib.
Qurbanovun dediyinə görə, o, Nağını «qayda-qanuna əməl etməyə» çağırıb, cavabında o, “telefonla burnuna” vurmağa başlayıb, Qurbanov “özünü müdafiə etmək üçün” onu itələyib.
Qurbanov hadisə ilə bağlı ifadə vermək üçün polisə getdiyini bildirib.
-
- Siyasət
- 1 Sentyabr 2024 10:36
Siyasət
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
“Müsavat” partiyası seçki məntəqələrində “karusel” əməliyyatının kütləvi hal aldığını bəyan edib. Partiyann press-relizinə əsasən, 17 saylı seçki dairəsinin 24 saylı məntəqəsində hətta Bakı şəhərində deyil, respublikanın rayonlarında qeydiyyatda olan şəxslər səs verir. 8 saylı seçki dairəsinin 31 saylı məntəqəsində qeydiyyatda olmayan şəxslər müəyyən edilib.
-
Azərbaycan Prezidenti İlham Əliyev bu gün Serbiyanın xarici işlər naziri Marko Curiçi qəbul edib. Görüşdə Əliyev deyib ki, Serbiya Azərbaycanın dostu və strateji tərəfdaşıdır, - dövlət başçısının saytı xəbər verir.
-
Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva 7 saylı Səbail seçki dairəsinin Bakı şəhərindəki 6 nömrəli tam orta məktəbdə yerləşən 1 saylı seçki məntəqəsində səs veriblər, - deyə dövlət başçısının saytı xəbər verir.
Rəy yaz