Maykl Krid: ATƏT-in müşahidə missiyası parlament seçkilərinə ilkin qiyməti sentyabrın 2-də verəcək
Maykl Krid: ATƏT-in müşahidə missiyası parlament seçkilərinə ilkin qiyməti sentyabrın 2-də verəcək
ATƏT-in xüsusi əlaqələndiricisi və qısamüddətli müşahidə missiyasının rəhbəri Maykl Krid sentyabrın 1-də səhər saatlarında mərkəzdəki seçki məntəqələrinin birində jurnalistlərlə söhbət edib, lakin növbədənkənar parlament seçkiləri ilə bağlı hər hansı qiymətləndirmə aparmaqdan çəkinib.
“Biz indicə müşahidə etməyə başlamışıq. Nəticələr haqqında danışmaq hələ tezdir. Müşahidələrinizi sabah mətbuat konfransında səsləndirəcəyik. Hazırda müşahidəçilərimiz respublikanın müxtəlif bölgələrində monitorinqlər aparırlar. Ona görə də hazırda nəsə demək mümkün deyil”.
O, Azərbaycandakı seçkiqabağı vəziyyəti şərh etmək xahişinə cavab verməkdən yayınıb.
“Ümumiyyətlə, son bir neçə gün ərzində biz Mərkəzi Seçki Komissiyası, vətəndaş cəmiyyəti və digər qurumlarla çox faydalı və məzmunlu brifinqlərdə iştirak etmişik. Bu brifinqlər nəticəsində ölkədə seçkiqabağı vəziyyətlə bağlı çoxlu məlumatlar topladıq. Bununla belə, biz tam fikrimizi sabahkı mətbuat konfransında bildirəcəyik”, - Krid vurğulayıb.
Siyasət
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
“Müsavat” partiyası seçki məntəqələrində “karusel” əməliyyatının kütləvi hal aldığını bəyan edib. Partiyann press-relizinə əsasən, 17 saylı seçki dairəsinin 24 saylı məntəqəsində hətta Bakı şəhərində deyil, respublikanın rayonlarında qeydiyyatda olan şəxslər səs verir. 8 saylı seçki dairəsinin 31 saylı məntəqəsində qeydiyyatda olmayan şəxslər müəyyən edilib.
-
Azərbaycan Prezidenti İlham Əliyev bu gün Serbiyanın xarici işlər naziri Marko Curiçi qəbul edib. Görüşdə Əliyev deyib ki, Serbiya Azərbaycanın dostu və strateji tərəfdaşıdır, - dövlət başçısının saytı xəbər verir.
-
Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva 7 saylı Səbail seçki dairəsinin Bakı şəhərindəki 6 nömrəli tam orta məktəbdə yerləşən 1 saylı seçki məntəqəsində səs veriblər, - deyə dövlət başçısının saytı xəbər verir.
Rəy yaz