DİN-in Xocalı soyqırımı qurbanları abidəsinin ziyarət edilməsi qaydası haqqında məlumatı

Bakı/25.02.21/Turan: Fevralın 26-da Xocalı soqırımının 29-cu ildönümündə Bakının Xətai rayonundakı “Ana harayı” abidəsini ziyarət etmək istəyən vətəndaşlar mütləq qaydada tibbi maskadan istifadə etməli və sosial məsafənin qorunması üçün beş nəfərdən artıq qruplarda toplaşmamalıdır. Bu barədə Daxili İşlər Nazirliynin məlumatında deyilir.

Nazirlik bildirir ki, vətəndaşlar abidənin ətrafına beş nəfərlik qruplarla daxil olmalı və dayanmadan ziyarətlərini başa vurub ərazidən çıxmalıdır.

“Abidənin ətrafında insanların toplaşması yolverilməzdir. Ziyarətə gələnlərin təhlükəsiz hərəkətlərini təmin etmək məqsədilə “Ana harayı” abidəsi istiqamətində olan küçə və prospektlərdə nəqliyyatın hərəkəti məhdudlaşdırılacaq. Bu tələblər yalnız vətəndaşların sağlamlıqlarının və təhlükəsizliklərinin qorunması məqsədi daşıyır və əminik ki, ziyarətçilər anlayışla qarşılayacaqlar”, məlumatda qeyd edilir. -03-