![Earle D. Litzenberger](https://turan.az/resized/media/2018/main/090500012970-750-500-resize.webp)
Earle D. Litzenberger
Donald Tramp Azərbaycanda yeni səfir postuna namizəd irəli sürüb
Vaşinqton/05.09.18/Turan: Ağ Ev çərşənbə axşamı elan edib ki, prezident Donald Tramp karyeralı diplomat Irli Litsenbergeri Amerikanın Azərbaycandakı yeni səfiri postuna namizəd kimi seçib. Bu barədə Turan-ın Vaşinqton müxbiri məlumat verib.
Əgər namizədlik təsdiq olunarsa, E.Litsenberger Bakıya gələcək. O, ötən ilə qədər ABŞ-ın NATO-da daimi nümayəndəsi olub. Qeyd edək ki, E.Litsenbergerin namizədliyinin irəli sürülməsi Azərbaycanda ölkənin Rusiyanın rəhbərlik etdiyi Kollektiv Təhlükəsizlik Müqaviləsi Təşkilatına daxil olması ilə bağlı ciddi müzakirələrin başlanmasına təsadüf edir.
Karyeralı diplomat Litsenberger hazırda ABŞ Dövlət Departamentində Siyasi və Hərbi Məsələlər Bürosunda baş müşavirdir.
E.Litsenberger öz karyerası ərzində Almaniya Marşal Fondunun baş elmi əməkdaşı, Əfqanıstanda NATO nümayəndəsinin müavini, ABŞ-ın Belqraddakı səfirliyində missiya rəhbərinin müavini, Birləşmiş Ştatların Qırğızıstandakı səfirliyində missiya rəhbərinin müavini kimi çalışıb.
Fransız, rus, serb və bolqar dillərini bilir.
Xatırladaq ki, ABŞ-ın Bakıdakı səfiri postu bu ilin martından vakant olaraq qalır.25B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz