Dövlət Departamenti ATƏT-in Minsk Qrupu çərçivəsində danışıqlar prosesinin saxlanmasını prinsipial hesab etmir

Birləşmiş Ştatlar Azərbaycan və Ermənistanla hər iki ölkənin məqbul hesab edəcəyi istənilən formatda əməkdaşlıq etməyə hazırdır, -  ABŞ Dövlət Departamenti ATƏT-in Minsk qrupunun gələcəyi və sülh prosesində ABŞ-ın  rolu ilə bağlı sualları cavablandırarkən bildirib.

"ABŞ hökuməti Ermənistan və Azərbaycanın davamlı və layiqli sülh sazişi əldə etmək səylərini dəstəkləyir. Biz hər iki tərəflə tərəflərin razılığa gələ biləcəyi və irəliləyiş əldə edə biləcəyi istənilən formatda işləməyə hazırıq",- Dövlət Departamentinin nümayəndəsi "Amerikanın səsi" radiosunun Ermənistan xidmətinin sorğusuna cavab olaraq bildirib.

Şərh Bakının ATƏT-in Minsk Qrupunda iştirakdan imtina etməsi fonunda səslənib. Belə ki, Bakı biıdirib ki,  uzun müddətdir davam edən Qarabağ münaqişəsi, nəhayət, həll olundu, bununla əlaqədar qrupun vasitəçilik rolü öz aktuallığını itirdi.