Dövlət Departamenti: Azərbaycan müsəlman çoxluğu, xristian və yəhudi icmaları arasında bağlılıq nümunəsidir

Vaşinqton/07.11.20/Turan: Cümə günü ABŞ Dövlət Departamenti Qarabağ münaqişəsində İsrailin Bakını dəstəklənməsinə görə erməni diasporunun bu yaxınlarda İsrailə antisemit hücumları ilə bağlı sualın cavabında Azərbaycanın dini icmalar arasında “əsl bağlılıq modeli” kimi rolunu yüksək qiymətləndirib, TURAN-ın Vaşinqton müxbiri bildirir.

“Mən artıq demişəm və bir daha təkrar edirəm: Azərbaycan bir çox cəhətdən müsəlman çoxluğu, xristian və yəhudi icmaları arasında təkcə dözümlülüyün deyil, həm də əsl bağlılığın millətlərarası və konfessiyalararası nümunəsidir”, - ABŞ Dövlət Departamentində telekonfrans zamanı ABŞ-ın antisemitizmə qarşı mübarizə  və monitorinq üzrə xüsusi nümayəndəsi Elan Karr Turan-ın müxbirinə bildirib.

Los-Ancelesdəki “Yəhudi jurnalı” ( The Jewish Journal) nəşrinin məlumatına görə, Erməni Gənclər Federasiyası (Daşnaksutyunun gənclər qanadı) İsrailin Los-Ancelesdəki konsulluğunun qarşısında İsrailə qarşı etiraz aksiyası təşkil edib.

Aksiya “Azərbaycanı dəstəklədiyinə görə İsraili və yəhudi icmasını qorxutmaq və sıxışdırmaq məqsədi daşıyırdı”, - etirazçılar  İsraili və yəhudiləri “nasistlər kimi olmaqda” ittiham ediblər.

“Dövlət Departamenti Azərbaycana dəstəyə görə yəhudilərə qarşı bu antisemit hücumlardan narahatdırmı?” sualına Karr şərh verməkdən çəkinib. Eyni zamanda, o, Azərbaycanın müxtəlif etnik və dini icmaların dinc yanaşı yaşaması modeli kimi oynadığı roldan danışıb. O, xatırladıb ki, yəhudi icması Sinaqoq inşa edərkən pulu çatmayıb və o zaman müsəlman icmasının lideri əlavə vəsaiti şəxsən özü verib.

“Bu cür əhvalatları danışmaq lazımdır. Daha öncə dedim ki, dünyada bu cəbhədə çox yaxşı xəbərlər var. Dünyada, , o cümlədən Yaxın Şərqdə, müsəlman aləmində həqiqətən çox yaxşı xəbərlər var. Belə əhvalatlar müxtəlif etnik və dini icmalar arasında əsl bağlılıq ifadəsi kimi vacibdir”, - o bildirib.

Dövlət Departamenti ötən həftə online- antisemitizmə qarşı mübarizə üzrə ilk konfransını keçirərək İsrail izləmə sisteminin nəticələrini qeyd edib: 2020-ci ilin ilk səkkiz ayında Twitter və YouTube-da 1,7 milyon məlumat yəhudilərə nifrəti təbliğ edən məlumat kimi müəyyən edilib.

“Bütün dünyada antisemitizm on ildən çoxdur ki, artır, əsasən İnternetdə yayılması səbəbindən”,- Carr bildirib. “Biz bu qlobal problemi həll etməyə çalışdıq, eyni zamanda Amerikada söz azadlığının qorunmasının əsas prinsiplərini dəstəklədik”.

O qeyd edib ki, antisemitizmin əsas mənbəyi İrandır və bu siyasətə qarşı mübarizə aparmaq çox vacibdir. -0B25-