Mahir Quliyev. Açiq məmbələrdən

Mahir Quliyev. Açiq məmbələrdən

Bakı/01.05.20/Turan: Azərbaycan Dövlət Təhlükəsizliyi Xidməti iki gün sonra Biləsuvar rayon icra başçısı Mahir Quliyevin saxlanılması ilə bağlı məlumat yayıb.

DTX-nin 1 may tarixli məlumatında deyilir ki, Quliyev birinci müavini Xanlar Məmmədov vasitəsilə ehtiyacı olan vətəndaşlara sosial yardım üçün ayrılmış vəsaiti qanunsuz olaraq mənimsəyib.

Həmçinin, icra hakimiyyətinə ayrılmış digər vəsaitlər də mənimsənilib.

O, köməkçisi Pöhran Şahbazov və tabeliyində olan digər şəxslər vasitəsilə məmurlardan, dövlət qulluqçularından və yerli sahibkarlardan pul alırdı.

Mahir Quliyevin dövlət qayğısı ilə əhatə olunan işsiz və aztəminatlı vətəndaşların ictimai işlərə cəlb edilərək aylıq qazanc əldə edə bilmələri üçün əməkhaqqı kartlarına köçürülən məbləğlərin Mahir Quliyev tərəfindən ələ keçirilməsinə dair məlumatlar əldə edilib.

Eyni zamanda, dövlət tərəfindən rayonda abadlıq işləri üçün ayrılan vəsaitin bir hissəsi mənimsənilib.
Mahir Quliyev aprelin 29-da öz kabinetində növbəti rüşvəti aldıqdan sonra DTX tərəfindən saxlanılıb. O, vəzifə səlahiyyətlərindən sui-istifadə, dəfələrlə rüşvət alma və israfa görə Azərbaycan CM-in müvafiq maddələri ilə cinayət məsuliyyətinə cəlb edilib, deyə DTX-nin məlumatında bildirilir.

Dünən məhkəmə Mahir Quliyevi 4 ay müddətinə həbs edib. -02D-

 

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti