Kamran Əliyev. Açiq məmbələrdən.
Parlament Kamran Əliyevin ölkənin baş prokuroru vəzifəsinə namizədliyinə razılıq verib
Bakı/01.05.20/Turan: Cümə günü Milli Məclisin iclasında Baş Prokurorluğun Korrupsiyaya qarşı Mübarizə Baş İdarəsinin rəisi Kamran Əliyevin ölkənin baş prokuroru vəzifəsinə namizədliyinə razılıq verilib. Onun namizədliyini dövlət başçısı İlham Əliyev irəli sürmüşdü.
Kamran Əliyev (1965-ci il təvəllüdlü) 1987-ci ildə İrkutsk Dövlət Universitetinin hüquq fakultəsini bitirib və bir neçə il Zabaykalye (Rusiya) prokurorluq orqanlarında müxtəlif vəzifələrdə işləyib.
90-cı illərin ortalarından Azərbaycanın prokurorluq orqanlarında işləyir, prokurorluğun kadrlar şöbəsində, elm-təhsil mərkəzində, ağır cinayətlərə qarşı mübarizə üzrə istintaq idarəsində vəzifələr tutub. 2007-ci ildə Korrupsiyaya qarşı Mübarizə Baş İdarəsinin rəhbəri təyin edilib. 2014-cü ildən Əliyev eyni zamanda ölkənin baş prokuror müavinidir. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz