Demokratik Qüvvələrin Milli Şurası AXCP fəalı Fuad Əhmədlinin həbsi ilə bağlı bəyanat yayıb. Bəyanatda deyilir:
“AXCP Gənclər Komitəsinin üzvü, gənc fəal Fuad Əhmədli aprelin 28-də həbs edilib. Onu DİN-in Baş Mütəşəkkil Cinayətkarlıqla Mübarizə İdarəsi (BMCMİ) həbs edib və o, hazırda həmin idarədə saxlanılır.
Milli Şura bəyan edir ki, bu fakt ölkədə hüquqi nihilzmin hökm sürdüyünü, qanunların ayaq altına atıldığını təsdiqləyən növbəti nümunədir. Azərbaycan hakimiyyəti ölkədə inzibati strukturlar üçün xüsusən də siyasi müxalifətə qarşı əməllərə görə cəzasızlıq mühiti yaradıb və hüquq-mühafizə orqanları çəkinmədən bu imkandan sui-istifadə edirlər.
Milli Şura Fuad Əhmədlinin qanunsuz həbsinə kəskin etiraz edir və onun azadlığa buraxılmasını tələb edir.
Milli Şura tələb edir ki, Fuad Əhmədliyə vəkili və ailə üzvləri ilə görüş üçün təcili şərait yaradılsın, onun vəziyyəti, saxlanma şəraiti və səbəbləri barədə obyektiv məlumat verilsin”. -0-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz