![Əli İnsanov Azərbaycanın Ali Məhkəməsindən Avropa Şurasına şikayət edəcək](https://turan.az/resized/media/2013/main/090300048300-750-500-resize.webp)
Əli İnsanov Azərbaycanın Ali Məhkəməsindən Avropa Şurasına şikayət edəcək
Həbsdə olan keçmiş səhiyyə naziri Əli İnsanov Ali Məhkəmənin rəhbəri Ramiz Rzayevə və Azərbaycanın Avropa İnsan Hüquqları Məhkəməsindəki (AİHM) səlahiyyətli nümayəndəsi Çingiz Əsgərova qarşı məhkəmə iddiası verib.
İnsanovun şikayəti bu şəxslərin AİHM-nin 14 iyun 2013-cü ildə qüvvəyə minmiş Azərbaycan məhkəmələrinin İnsanovun işi üzrə qərarlarının qanunsuz hesab olunması haqqında hökmünü yerinə yetirməməsi ilə bağlıdır.
Vəkil Toğrul Babayevin Turan-a verdiyi məlumata görə, iddia 1 saylı İnzibati İqtisad Məhkəməsində qəbul olunub.
Lakin sentyabrın 3-də vəkilə Azərbaycan Ali Məhkəməsindən bu orqana Strasburq Məhkəməsinin qərarının qüvvəyə minməsi haqqında sənəd daxil olmadığı haqqında məktub gəlib.
Ali Məhkəmə inandırır ki, AİHM-nin qərarı və onun Azərbaycan dilinə rəsmi tərcüməsi AM-yə daxil olan kimi İnsanovun işinə baxılacaq.
Lakin vəkilin sözlərinə görə, AİHM-nin qərarını o, hələ iyulun 10-da şəxsən Ali Məhkəməyə təqdim edib.
Vəkil hesab edir ki, Ali Məhkəmə AİHM-nin qərarının baxılması üçün AM Plenumuna çıxarılmasından hər şəkildə yayınır. AM İnsanov barəsində hökmün ləğvi haqqında qərar qəbul etməli və o, azadlığa çıxmalıdır.
Buna görə İnsanov Aİ Nazirlər Komitəsinə Azərbaycan Ali Məhkəməsinin AİHM-nin qərarını icra etməməsi haqqında rəsmi müraciət göndərməyi qərara alıb.
Xatırladaq ki, AİHM 14 mart 2013-cü ildə İnsanovun ədalətli mühakimə hüququ haqqında iddiasını təmin edib və ona qarşı işgəncə faktını təsdiq edib.
Bu səbəbdən Avropa Məhkəməsi Azərbaycan hökumətinin İnsanova 10 min avro kompensasiya ödəməli olduğu haqqında qərar qəbul edib.
Xatırladaq ki, İnsanov 2005-ci ilin oktyabrında həbs edilib və dövlət çevrilişi hazırlamaqda ittiham edilib, amma sonradan ittiham dəyişdirilib və o, iqtisadi cinayətlərə görə 11 il müddətinə mühakimə edilib. -06B-
Siyasət
-
Şənbə günü, sentyabrın 7-də Haaqada Azərbaycanın Niderlanddakı səfirliyi qarşısında Bakıda həbs edilmi. talış tədqiqatçısı İqbal Əbilova dəstək piketi keçirilib.
-
Bakının Xətai Rayon Məhkəməsi Abzas Media-nın işi üzrə həbs olunmuş araşdırmaçı jurnalist Hafiz Babalının həbs müddətini üç ay uzadıb.
-
Cümə günü Amerika kəşfiyyatının əməkdaşları bildiriblər ki, Rusiya ABŞ-da 5 noyabr prezident seçkilərinə təsir göstərə biləcək əsas və ən fəal təhdiddir, lakin İran və Çin də səylərini artırır.
-
Azərbaycan iqtisadiyyatı şaxələndirməyə və neftdən asılılığa son qoymağa çalışır, həmçinin, İsrailin yüksək texnologiyalar sahəsində fəaliyyət göstərən şirkətlərinə səxavətli vergi güzəştləri müqabilində ölkəyə köçməyi təklif edir. Bu barədə İsrailin Globes nəşri Azərbaycana köçmək mümkünlüyünü nəzərdən keçirən şirkətlərdəki mənbələrinə istinadla məlumat yayıb.
Rəy yaz