Həbsdə olan Azərbaycanın keçmiş səhiyyə naziri, iqtidarda olan Yeni Azərbaycan Partiyasının İdarə Heyətinin keçmiş üzvü Əli İnsanov müxalif Müsavat Partiyasının yeni seçilmiş başqanı Arif Hacılını təbrik edib.
Vəkil Toğrul Babayev İnsanovun təbrik məktubunu Turan agentliyinə təqdim edib.
“Hörmətli Arif bəy, Sizi demoktratik yolla Müsavat Partiyasının başqanı seçilməyiniz münasibəti ilə ürəkdən təbrik edirəm. Sizə gələcək siyasi fəaliyyətinizdə uğurlar arzulayıram”, - deyə təbrikdə qeyd edilir.
Əli İnsanov 2005-ci ilin oktyabrında parlament seçkiləri qabağı dövlət çevrilişinə cəhdə hazırlıq ittihamı ilə həbs edilib. Sonradan ittiham dəyişdirilərək iqtisadi cinayətlərlə əvəz olunub. O, 11 il müddətinə azadlıqdan məhrum edilib.
2013-cü il martın 14-də Avropa İnsan Hüquqları Məhkəməsi (AİHM) Ə.İnsanovun İnsan Hüquqları Konvensiyasının 3-cü maddəsi (işgəncələrin qadağan edilməsi) və 6-cı maddəsi (ədalətli məhkəmə çəkişməsi hüququ) ilə zəmanət verilmiş hüquqlarının pozulmasını tanıyıb və ona 10 min avro həcmində kompensasiyanın verilməsi haqda qərar çıxarıb.
AİHM-nin qərarının icrası ilə əlaqədar Azərbaycan Ali Məhkəməsinin Plenumu 2013-cü il noyabrın 15-də işi təkrar baxılmaq üçün Bakı Apellyasiya Məhkəməsinə göndərib. Bakı Apellyasiya Məhkəməsi isə İnsanovu həbsdə saxlayıb. -03B-
Siyasət
-
Azərbaycan Prezidenti İlham Əliyev yanvarın 27-də İsrail İqtisadi Forumunun həmtəsisçisi və İdarə Heyətinin üzvü Conatan Misneri qəbul edib.
-
AŞPA-nın bu gün Strasburqda açılan qış sessiyasında Azərbaycan nümayəndə heyətinin səs hüququnun bərpa olunması məsələsinə baxılmayacaq. Bu, Azərbaycan parlamenti nümayəndə heyətinin səlahiyyətlərinin bərpa olunması üçün AŞPA-ya müraciət etmədikdən sonra məlum olub.
-
Yanvarın 27-də Strasburqda Azərbaycanda həbs edilmiş tədqiqatçı İqbal Əbilova dəstək aksiyası keçirilib.
-
Qəzza sektorunda humanitar böhran, həmçinin yeni beynəlxalq nizam-intizam zərurəti haqqında debatlar AŞPA-nın bu gün Strasburqda açılan qış sessiyasının gündəliyini təşkil edən əsas mövzularındandır.
Rəy yaz