Bakı/15.12.21/Turan: Brüsseldə keçirilən üçtərəfli görüşdə "dəmir yolunun yenidən işə salınması ilə bağlı razılaşma təsdiqlənib". Bu barədə Ermənistanın baş naziri Nikol Paşinyan görüşdən sonra Facebook-da yazıb.
“Qarşılıqlılıq prinsipi əsasında beynəlxalq sərhəd və gömrük qaydalarına uyğun fəaliyyət göstərəcək dəmir yolunun ölkələrin suverenliyi və yurisdiksiyası altında açılmasına dair razılaşmanı təsdiqlədik.
Ermənistan dəmir yolu ilə İran İslam Respublikası və Rusiya Federasiyasına çıxış əldə edəcək. Biz də təmasları davam etdirməyə razılaşdıq”, - Nikol Paşinyan yazıb.
Öz növbəsində, Azərbaycan prezidentinin mətbuat xidməti Azərbaycan və Ermənistanın sərhədlərin delimitasiyası üzrə müvəqqəti işçi qrupunun yaradılması barədə razılığa gəldiyini bildirib.
Üçtərəfli görüşün sonunda Şarl Mişelin özü jurnalistlərə bildirib ki, Paşinyanla Əliyev də təkbətək danışıblar. Onun sözlərinə görə, danışıqlar zamanı Mişel qısa müddət ərzində Əliyevlə Paşinyana onsuz danışmaq imkanı vermək üçün çıxıb.
"Onların bir-biri ilə birbaşa danışmaları vacibdir" - о deib.
O, həmçinin bildirib ki, Aİ sərhədlərin delimitasiyası və demarkasiyası ilə bağlı problemlərin həlli prosesinə kömək edəcək ekspertlər qrupu yaradacaq.
Brüsseldəki görüşlə eyni vaxtda Ermənistan KİV-i İrəvanın Qazax və Tavuş sərhəddindəki bir sıra əraziləri Azərbaycana qaytarmağa hazır olması barədə məlumat yayıb. Bu məqsədlə Ermənistan tərəfi yeni dolama yolları çəkəcək.-02В-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz