Bakı/14.10.19/Turan: Bazar ertəsi Azərbaycan və Türkiyə prezidentləri İlham Əliyev və Recep Tayyip Erdoğanın görüşü keçirilib.
Söhbət zamanı iki ölkə arasında siyasi, iqtisdi və digər sahələrdə dostluq və qardaşlıq münasibətlərinin uğurla inkişaf etdiyi qeyd olunub, bu barədə Azərbaycan prezidentinin saytında dərc olunmuş məlumatda deyilir. İqtisadiyyat sahəsində, habelə qarşılıqlı investisiyalar, birgə qlobal energetika və nəqliyyat layihələrinin, xüsusən TANAP boru kəməri, Bakı-Tbilisi-Qars dəmir yolu layihələrinin həyata keçirilməsi sahəsində əməkdaşlığın genişləndirilməsindən məmnunluq ifadə olunub.
Görüşdə həmçinin müdafiə sənayesi, təhsil, turizm, mədəniyyət sahəsində əməkdaşlığın perspektivləri müzakirə olunub.
Söhbət zamanı ikitərəfli münasibətlərin gələcək inkişafı məsələləri, habelə qarşılıqlı maraq doğuran digər mövzular haqqında fikir mübadiləsi aparılıb. Türkdilli Dövlətlərin Əməkdaşlıq Şurasının Bakıda keçirilən VII Sammitinin dövlətlər arasında əməkdaşlığın genişləndirilməsinə xidmət edəcəyi vurğulanıb.--0--
Siyasət
-
TURANın Vaşinqton müxbiri xəbər verir ki, ABŞ dövlət katibi Entoni Blinken bazar ertəsi Azərbaycan prezidenti İlham Əliyevə zəng edərək Azərbaycan və Ermənistan arasında davamlı və ləyaqətli sülhün vacibliyini bir daha təsdiqləyib.
-
Sentyabrın 16-da Bakı Ağır Cinayətlər Məhkəməsində iş adamı, Milli Məclisin sabiq deputatı Nazim Bəydəmirlinin işi üzrə prosesdə dövlət ittihamçısı məhkəmə istintaqının yekunlaşdırılmasını təklif edib.
-
Sentyabrın 16-da Gürcüstan Miqrasiya Xidməti Azərbaycan vətəndaşı, “Azel” TV saytının təsisçisi Əfqan Sadıqova sığınacaq verməkdən imtina edib. Bu barədə Turan agentliyinə onun xanımı Sevinc Sadıqova bildirib.
-
Bakı Apellyasiya Məhkəməsi Müsavat Partiyasının sədr müavini Mustafa Hacıbəylinin növbədənkənar parlament seçkiləri zamanı pozuntulara dair şikayətini təmin etməyib.
Rəy yaz