Əliyev və Putin "Zəngəzur dəhlizini" müzakirə edib (yenilənib)

Azərbaycan və RF prezidentləri - İlham Əliyev və Vladimir Putin arasında telefon danışığı zamanı Azərbaycan Respublikasının qərb rayonları və Naxçıvan Muxtar Respublikası arasında nəqliyyat dəhlizinin açılması haqqında fikir mübadiləsi aparılıb, deyə öz növbəsində Azərbaycan prezidentinin mətbuat xidmətinin məlumatında bildirilir.

* * *

Əliyev və Putin Bakıda aparılan danışıqların yekunlarından məmnundurlar

Azərbaycan və RF prezidentləri - İlham Əliyev və Vladimir Putin Rusiya liderinin Bakıya 18-19 avqust tarixlərində baş tutan dövlət səfərinin yekunlarından məmnun olduqlarını bildiriblər, bu barədə Kremlin mətbuat xidməti iki dövlət başçısı arasında telefon danışığının yekunlarına dair məlumatında bildirib.

"Liderlər Rusiya prezidentinin Azərbaycana bu yaxınlarda baş tutan dövlət səfərinin uğurlu yekunlarından məmnunluqlarını ifadə ediblər", deyə press-relizdə bildirilir.

Prezidentlər qeyd ediblər ki, danışıqlar zamanı əldə edilmiş razılaşmaların ardıcıl şəkildə həyata keçirilməsi Rusiya-Azərbaycan müttəfiqlik və tərəfdaşlıq münasibətlərinin daha da dərinləşməsinə şərait yaradacaq. Bundan başqa, Putin və Əliyev şəxsi əlaqələri davam etdirmək barədə razılıq əldə ediblər.

Məlumatda deyilir ki, Rusiya Azərbaycana və Ermənistana sülh müqaviləsinin bağlanmasında bundan sonra da kömək etməyə hazırdır. "Rusiya tərəfi Bakı və Yerevanın iki tərəf üçün də məqbul olan müvafiq həllərin müəyyən edilməsinə bütün mümkün köməkliyi göstərməyə hazır olduğunu təsdiq edib", deyə Kremlin telefon danışığının yekunlarına dair məlumatında qeyd edilir.