Bakı/01.11.17/Turan: Noyabrın 1-də Tehranda Azərbaycan və İran prezidentləri İlham Əliyev və Həsən Ruhaninin görüşündə Azərbaycan-İran münasibətlərinin geniş spektri və regional məsələlər müzakirə olunub.
Xüsusən, hərbi və hərbi-texniki sahələrdə əməkdaşlıq məsələlərinə, bu istiqamətdə perspektivlərə baxılıb, regional məsələlərə toxunulub, terrorizmə və ekstremizmə qarşı mübarizə məsələləri üzrə fikir mübadiləsi aparılıb. Əliyev və Ruhani qeyd ediblər ki, Azərbaycan-Rusiya-İran üçtərəfli əməkdaşlığı böyük potensiala malikdir.
Həmçinin, iqtisadi əməkdaşlıq məsələlərinə toxunulub.
Tərəflər məmnuniyyətlə qeyd ediblər ki, keçən il ticarət dövriyyəsi 70%, bu ilin 9 ayı ərzində isə 33% artıb. Söhbət zamanı qarşılıqlı investisiya, energetika, neft-qaz, nəqliyyat sahələrində əməkdaşlıq məsələləri haqqında fikir mübadiləsi aparılıb. Görüşdə "Şimal-Cənub" Beynəlxalq Nəqliyyat Dəhlizi layihəsinin uğurla həyata keçirildiyi qeyd edilib (AzərTAc).
Əliyev və Ruhaninin görüşü Tehranda Azərbaycan, RF və İİR dövlət başçılarının sammiti çərçivəsində baş tutub. -06D-
Siyasət
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
Rəy yaz