![Elmar Hüseynovun qətlindən 19 il keçir](https://turan.az/resized/news/2024/aARa83FNcSCfCLPvkozL30cO30Mc2N7tWlpQIham-750-500-resize.webp)
Elmar Hüseynovun qətlindən 19 il keçir
Elmar Hüseynovun qətlindən 19 il keçir
Bu gün, martın 2-də "Monitor" jurnalının baş redaktoru, jurnalist Elmar Hüseynovun qətlə yetirilməsinin 19 ili tamam olur. Sərt tənqidi yazıları ilə seçilən jurnalist 2005-ci ildə yaşadığı evin blokunda odlu silahla qətlə yetirilib. Lakin bu qətlin icraçıları və sifarişçiləri hələ də məsuliyyətdən kənarda qalıblar.
Elmar Hüseynov jurnalist və bir sıra media layihələrinin - Azərbaycan hakimiyyətinin siyasətinin, sistemli korrupsiyanın, güc qurumlarının və məmurların özbaşınalığının, insan hüquqlarının pozuntusunun kəskin tənqidi yer alan qəzet və jurnalların rəhbəri idi.
Bu nəşrlər arasında ən məşhuru "Monitor" jurnalı idi.
O, dəfələrlə təhdid alıb, cinayət təqibinə məruz qalıb, həbsə atılıb. Xarici dövlətlərin siyasi sığınacaq vermək təkliflərinə baxmayaraq, Azərbaycanda qalıb və ölənə qədər peşə fəaliyyətini davam etdirib.
Elmar Hüseynov yaşadığı evin girəcəyində açılan yeddi atəşlə öldürülüb.
Baş Prokurorluq cinayət faktı üzrə Cinayət Məcəlləsinin 120.2.4 və 228-ci maddələrilə (xüsusi qəddarlıqla qəsdən adam öldürmə və qanunsuz odlu silah saxlama, gəzdirmə) cinayət işi açıb.
İstintaqa cəlb edilmiş türk müstəntiqlər cinayətin üstünü açdıqlarını bildiriblər. Amma onları ölkədən çıxarıblar. Hakimiyyət qətlin Gürcüstanda yaşayan etnik azərbaycanlılar Tahir Xubanov və Teymuraz Əliyev tərəfindən törədildiyini bildirib.
Azərbaycan hakimiyyəti iddia edir ki, bu şəxslərin barəsində İnterpol vasitəsilə axtarış elan edilib, amma Gürcüstan hakimiyyəti bunu təkzib edib. Faktiki olaraq iş səssiz-sədasız ört-basdır edilib və adı çəkilən şəxsləri heç kim axtarmayıb.
Həmin vaxt Daxili İşlər Nazirliyinin polkovniki Hacı Məmmədovun rəhbərlik etdiyi cinayətkar qrupun qətldə əli olduğu barədə versiya var. Hacı Məmmədov sonradan çoxsaylı qətl və oğurluqlara görə ömürlük həbsə məhkum edilib və həbsxanada ölüb.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz