Azərbaycanın xarici işlər naziri Elmar Məmmədyarov Avropa Komissiyasının Qonşuluq və Genişlənmə Siyasəti üzrə baş direktoru Kristian Danielsonun rəhbərlik etdiyi nümayəndə heyətini qəbul edib
XİN mətbuat xidmətinin məlumatına görə, görüş zamanı E. Məmmədyarov Azərbaycanla strateji tərəfdaşlığa dair sazişin hazırlanması üzrə danışıqlara başlanmasını alqışlayıb. O ümidvar olduğunu bildirib ki, bu saziş Aİ və Azərbaycan arasında ikitərəfli əlaqələrin hərtərəfli inkişafına müsbət təsir göstərəcək.
Öz növbəsində K. Danielson Avropa İttifaqının Azərbaycanla dialoq və əməkdaşlığı genişləndirmək niyyətində olduğunu bildirib.
Görüşdə həmçinin Azərbaycanla Aİ arasında enerji sahəsində tərəfdaşlıq, TAP və TANAP layihələrinin icrası məsələləri ətrafında fikir mübadiləsi aparılıb.-16D-
Siyasət
-
Dekabrın 7-də Müsavat Partiyası Məclisinin növbəti sessiyası keçirilib. Yığıncaqda partiya başqanı İsa Qəmbər ölkədəki ictimai-siyasi vəziyyət və partiyanın cari vəzifələri mövzusunda məruzə ilə çıxış edib.
-
Freedom Now hüquq-müdafiə təşkilatı Azərbaycanda müstəqil mətbuata təzyiqlərin dayandırılması tələblərinə qoşulub.
-
"Sərhədsiz reportyorlar" mətbuatı müdafiə təşkilatı “Meydan” TV-nin əməkdaşlarının həbsini pisləyib. Təşkilatın X platformasındakı hesabında yayılan məlumatda deyilir: "Sərhədsiz reportyorlar" bu yeni həbsləri pisləyir, onları və uydurma ittihamlarla rüsvayçı şəraitdə saxlanılan digər 13 jurnalisti dərhal azad etməyə çağırır".
-
“Meydan” TV ilə əməkdaşlıq edən jurnalistlərin həbsini dərin təəssüf hissi ilə qarşıladım. Azad və müstəqil mətbuat istənilən demokratiyanın mühüm elementidir. Jurnalistlər həbs, hədə və zorakılıq qorxusu olmadan məsələləri işıqlandıra bilməlidirlər”, - şənbə günü Böyük Britaniyanın Azərbaycandakı səfiri Ferqüs Old X platformasındakı hesabında yazıb.
Rəy yaz