![Standard & Poor’s Azərbaycanın reytinqini «BB+/B» qiymətləndirib; proqnoz «neqativ»dir](https://turan.az/resized/media/2017/main/013000181756-750-500-resize.webp)
Standard & Poor’s Azərbaycanın reytinqini «BB+/B» qiymətləndirib; proqnoz «neqativ»dir
Standard & Poor’s beynəlxalq reytinq agentliyi Azərbaycanın xarici və milli valyutadakı uzunmüddətli kredit reytinqini «BB+/B» səviyyəsində qiymətləndirib
Turan-ın məlumatına görə, reytinq proqnozu “neqativ” səviyyəsində qalıb.
Agentliyin saytında qeyd edilir ki, Azərbaycanda institusional sistem səmərəli deyil.
«Bundan başqa, iqtisadiyyat əvvəlkitək zəif xarici iqtisadi şəraitə uyğun korrektə olunur, tədiyə balansına təzyiq isə qalır», deyə hesabatda bildirilir.
Agentliyin ekspertləri bildirir ki, ARDNF-də xarici valyuta ehtiyatının çox olması ilə bağlı hökumətin fiskal mövqeyi güclüdür.
“Neqativ” proqnoz yaxın 6-12 ayda xarici iqtisadi göstəricilər və iqtisadi artımın zəif olacağı riskini əks etdirir.
«O həmçinin bank sektoru üçün risklərin mümkün güclənməsi və ya siyasi səbəbdən xərclərin saxlanmasının problemli olması nəticəsində hökumətin fiskal çevikliyinin azalmasını əks etdirir», deyə hesabatda bildirilir.
Agentliyin ekspertlərinin fikrincə, neftin daha ucuz və ya dəyişən qiyməti şəraitində Azərbaycan iqtisadiyyatı üçün iqtisadi proqnoz hökumətin islahatlar proqramı, o cümlədən biznes mühitin yaxşılaşdırılması, qeyri-neft-qaz sektoru ilə bağlı olmayan iqtisadi şaxələndirmə ilə müəyyən ediləcək.
«Hazırda struktur islahatlarının tempini və səmərəliliyini çox aşağı hesab edirik», deyə hesabatda bildirilir. 71D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz