Elşad Abdullayev haqqında yeni video yayıldı

Bazar günü İnternetdə gizli kamera ilə çəkilmiş yeni videogörüntü yayılıb. Görüntülərdə Beynəlxalq Universitetin keçmiş rektoru Elşad Abdullayev DİN-in 7-ci məxfi şöbəsinin əməkdaşı ilə 2003-cü ildə qardaşı Mahirin itkin düşməsi haqda danışır.

Söhbətdən məlum olur ki, DİN əməkdaşı Mahir Abdullayevin itməsi barədə ona müdiri, DİN-in 7-ci şöbəsinin Vaqif adlı rəisinin məlumat verdiyini bildirir.

Göründüyü kimi, deputat Gülər Əhmədovanın qalmaqal doğuran videogörüntüləri kimi, bu gizli çəkiliş də Elşad Abdullayevin göstərişi ilə həyata keçirilib. 

Sonuncu çəkilişdən görünür ki, DİN rektorun qardaşının oğurlandığından xəbərdar idi, lakin indiyədək o, itkin düşmüş hesab olunur. Bir müddət əvvəl rektor özü DİN və MTN-i qardaşını oğurlamaqda və bəlkə də, tələb olunan pulu verməkdən imtina etdiyinə görə onu öldürməkdə ittiham edirdi. 

Sonuncu videoçəkilişdə daha bir qalmaqallı mövzu DİN 7-ci şöbəsinin zabitinin 15-20 min dollara onun şöbəsində işə düzəlməyin mümkün olduğunu etiraf etməsidir. Bu zaman o, işə qəbul üçün 20 min istəyən rəislə danışıqlarından bəhs edir.

Qeyd edək ki, Beynəlxalq Universitetin rektorunun 2003-cü ildə itkin düşmüş qardaşı Mahir Abdullayev Milli Təhlükəsizlik Nazirliyinin mayoru idi və indiyədək onun taleyim məlum deyil. Qardaşı iddia edir ki, o, müğənni Mətanət İsgəndərlinin evindən MTN-in istila qrupu tərəfindən oğurlanıb və onn azad olunması üçün 2 mln. dollar tələb olunub. -02D-

https://www.youtube.com/v/_5nJko70f6o?version=3&hl=en_US