Elşad Avdullayev yeni ifşalarla çıxış edir
Bu gün YouTube səhifəsində mühacirətdə olan Azərbaycan Beynəlxalq Universitetinin keçmiş rektoru Elşad Abdullayevin baş prokuror Zakir Qaralova və Azərbaycan KİV-nə video-müraciəti yayılıb.
O bildirir ki, İnternetdə deputat Gülər Əhmədovanın ondan prezident administrasiyasının rəhbəri Ramiz Mehdiyevə vermək və Abdullayevi deputat seçdirmək məqsədilə 2 mln. dollar aldığını təsdiq edən videoçarx İnternetə yerləşdirildikdən sonra KİV və sosial şəbəkələr vasitəsilə onun ünvanına hədələr daxil olur.
Abdullayevin dediyinə görə, hədələr Azərbaycanda insan oğurluğu ilə məşğul olan mütəşəkkil cinayətkar dəstədən gəlir. Bu qrup bir neçə il əvvəl E.Abdullayevin qardaşı Mahir Abdullayevi oğurlamışdı.
E.Abdullayev qeyd edir ki, parlamentə seçilmək üçün ona görə pul verib ki, deputat olarsa, oğurlanmış qardaşını tapmaq üçün yeni imkanlardan istifadə edəcəyinə ümid edirdi.
Pulun mənbəyinə gəlincə, Abdullayev iddia edir ki, 30 il bizneslə məşğul olub və bütün pullarının qanuni mənbəyi var.
Daha sonra o bildirir ki, hələ Azərbaycanda olduğu zaman prokurorluğa insan oğurlayan mütəşəkkil cinayətkar şəbəkənin fəaliyyətini sübut edən çoxsaylı audio və video sənədlər təqdim edib. Lakin bu materiallar araşdırılmayıb.
“Mütəşəkkil cinayətkar şəbəkə dövlət qurumlarındadır və dövlətin gücündən və imkanlarından istifadə edir”, deyən E.Abdullayev əlavə edib ki, prokurorluğa yalnız əlində olan faktların yalnız yarısını verib. O, baş prokurorluğu bu faktları, habelə G.Əhmədovaya pul verməsi faktını araşdırmağa çağırır.
“Zərərçəkmiş olaraq bütün bu videomaterialların araşdırılmasını və təqsirkarların cinayət məsuliyyətinə cəlb olunmasını tələb edirəm”, deyə Abdullayev bildirir. -06D-
-
- İqtisadiyyat
- 27 Sentyabr 2012 15:37
-
- İqtisadiyyat
- 27 Sentyabr 2012 16:30
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz