Yerevan/24.04.16/Turan-Armİnfo: Türkiyə prezidenti Recep Tayyip Erdoğan 1915-ci ildə həlak olmuş ermənilərin xatirəsini yad edib, xəbəri Anadolu agentliyi yayıb.
İstanbulun erməni kilsəsinin rəhbərinin oxuduğu Erdoğanın erməni icmasına müraciətində deyilir ki, Birinci Dünya Müharibəsi zamanı Anadoluda həlak olmuş ermənilərin yad edilməsi tədbirini alqışlayır. Onun sözlərinə görə, Anadolu torpaqlarında heç vaxt humanitar normalara etinasızlıq edilməyib, ümumbəşəri dəyərlər isə həmişə hər şeydən öndə olub.
Hər il 1915-ci ildə Türkiyəyə nüfuz etmiş rusların tərəfinə keçib üsyan edərək həlak olan ermənilərin yad edilməsi üzrə tədbirlər keçirilir. Sonradan ermənilərin köçürülməsi çoxsaylı insan qurbanlarına səbəb olub. Türkiyə bu insanların ölümünün soyqırım kimi tövsif edilməsinə etiraz edir və bu hadisələrin araşdırılması üçün Ermənistanla birlikdə tarixçilərdən ibarət komissiya yaratmağa çağırır”, deyə müraciətdə bildirilir.
Erdoğan bildirib ki, Osmanlı İmperiyasında həlak olmuş ermənilərin xatirəsinə hörmət edir və onların uşaqlarına və nəvələrinə başsağlığı verir. “Türkiyə dini və etnik mənsubiyyətindən asılı olmayaraq, 1915-ci il hadisələri zamanı həlak olmuş bütün vətəndaşların xatirəsinə hörmət edir. Qeyd etmək istərdim ki, biz bu ortaq dərdə şərikik”, deyə Erdoğan müraciətini tamamlayıb. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz