Ərdoğandan ona xas olmayan yumşaq davranış

Türkiyədə 2014-cü il avqustun 10-da keçirilən prezident seçkilərində ilkin nəticələrə görə qalib gəldiyi elan olunan keçmiş baş nazir Rəcəb Təyyub Ərdoğan xalq qarşısında çıxış edib.

Ərdoğan, xalqın birbaşa səsverməsilə seçilən ilk prezidentdir. Buna qədərsə Türkiyənin 11 prezidenti Türkiyə Böyük Millət Məclisi üzvlərinin (TBMM, parlament) səsverməsilə seçilib.

İlkin nəticələr elan olunduqdan sonra Ərdoğan İstambulda xalq önündə çıxış edib. “Könüldən ifade edirəm, yeni bir uzlaşma müddətini birlikdə başlayaq”-deyə Ərdoğan xitab edib. Amma Ərdoğan bu xitabın yalnız xalqa, yoxsa, müxalifət qüvvələrinə də şamil olunması haqda açıqlama verməyib. O, bu seçimi təkcə özünün yox, Türkiyə xalqının qazanması kimi təqdim edib. Onun fikrincə, xalq səsverməsilə prezident seçilməsi prezidentlik institutu kimi güclü strukturu da xalqın müəyyən etməsi deməkdir.  

Daha sonra Ərdoğan müxalifətin bu gündən etibarən siyasətlərini yenidən gözdən keçirəcəyini və yeni Türkiyə ilə ayaqlaşan bir siyasət tərzi yaradacağına inandığını da ifadə edib. “Ancaq bizə səs verməyənlər, bizi sevməyənlər bu seçimin məğlubu deyillər, köhnə çəkişmələrin, gərginlik, qarşıduma “mədəniyyəti”nin, şəxsi haqq-hesabların köhnə Türkiyədə qalmasını istəyirəm”-deyə Ərdoğan son 11 ildə hakimiyyətdə olduğu müddətdə sərgiləmədiyi siyasi davranış ortaya qoyub. Son 11 ilədki ritorika və siyasi davranışına xas olmayan siyasi jest göstərib. Ərdoğan onu da qeyd edib ki, ona səs verənlərin yox, bütün Türkiyə və 77 milyonluq xalıqn prezidenti olacağç bəyanatı səsləndirib.  

Son 11 ildə 9 dəfə seçkiləri getdiklərini deyən Ərdoğan bu seçkilərin hamısında yüksək səs faizlərilə qalib gəldiklərini də xatırlatmağı yaddan çıxarmayıb.

Son hesablamalara görə isə Ərdoğan prezident seçilərində 52, Türkiyənin aparıcı müxalif qüvvələrin vahid namizədi Ekmeleddin İzzətoğlu 38, BDP sədri Səlahəddin Dəmirdaş isə 10 faiz səs toplayıb.

Bu seçkilərin qalibi olan Ərdoğan prezident səlahiyytlərini avqustun 28-dən yerinə yetirməyə başalayacaq. Bununla bağlı Ərdoğanın prezident maaşının, səlahiyyətlərinin müəyəyn olunması kimi prosedurlar qarşıəda durur.-05D-