Erdoğanın Qəbələdə qəbul edilməsi Rusiyaya mesajdır

Türkiyə baş naziri Recep Tayyip Erdoğanın Azərbaycana bu gün başlayan səfəri “Novosti-Azərbaycan” agentliyində politoloqların müzakirə obyekti olub.

“Atlas” araşdırmalar mərkəzinin rəhbəri Elxan Şahinoğlu qeyd edib ki, müzakirə olunan mövzular arasında Ankaranın Azərbaycandan Türkiyə ilə viza rejimini ləğv etmək xahişi də var. Türkiyə artıq Azərbaycan vətəndaşları üçün viza rejimini ləğv edib.

Görüşün Qəbələdə keçirilməsi Rusiyaya mesaj da ola bilər. Qəbələ rayonunda turizmin intensiv inkişafı və beynəlxalq tədbirlərin keçirilməsi buranın hərbi obyekt yeri olmadığı demək ola bilər.

Ekspertlər həmçinin qeyd ediblər ki, iki ölkə arasında iqtisadi münasibətlər fəal şəkildə inkişaf etsə də, Türkiyənin iri holdinqləri – “Sabançı” və “Koç” hələ də Azərbaycan bazarına çıxmayıb.

Bundan başqa, Türkiyənin tikdirdiyi “Şəhidlər” məscidinin gələcək taleyi mövzusu da ikitərəfli münasibətlərdə açıq məsələ olaraq qalmalıdır. Bu məscid təmir bəhanəsi ilə 2,5 il müddətinə bağlanıb. 

“Atlas” həmçinin Türkiyə-Azərbaycan münasibətləri ilə bağlı 500 respondent arasında sorğu keçirib və rəyi soruşulanların əksəriyyəti hərbi əməkdaşlığın gücləndirilməsinin tərəfdarı olduğunu bildirib.

Müzakirə iştirakçıları kiçik problemlər olmasına baxmayaraq, ikitərəfli münasibətlərin strateji xarakterli olduğunu xüsusi vurğulayıblar. -05C-