Erməni yaraqlılar Çalaqqala və Köhnə Tağlar kəndlərindən çıxarılıb

Bakı/14.12.20/Turan: Azərbaycan Silahlı Qüvvələri Dağlıq Qarabağda Çalaqqala (Xsaberd) və Köhnə Tağlar (Xin Taxer) üzərində nəzarəti bərqərar ediblər.

Müəyyən hissə - Xin Taxer və Xsaberd kədləri Azərbaycan xüsusi təyinatlısının nəzarətinə keçdi, - Ermənistanın baş naziri   Nikol Paşinyan dekabrın 13-də axşam Təhlükəsizlik Şurasının iclasında bildirib.

10 noyabr sülh razılaşmasına əsasən Çalaqqala (Xsaberd) və Köhnə Tağlar (Xin Taxer) Azərbaycan ordusunun təsir dairəsinə daxil olub. Lakin erməni yaraqlılarının bölmələri müxtəlif bəhanələrlə ərazini tərk etməkdən imtina edirdilər.

Onlar Azərbaycan hərbçilərinə və mülki şəxslərə qarşı təxribatlar, hücumlar törədiblər, nəticədə ölən və yaralananlar var, Azərbaycan Müdafiə Nazirliyi bildirib.

Ermənistan hakimiyyətinə dəfələrlə nəticəsiz müraciətdən sonra qərara alınıb ki, yaraqlıların ərazidən çıxarılması Dövlət Təhlükəsizliyi Xidməti və ordu qüvvələri tərəfindən əks-terror əməliyyatının aparılması ilə təmin edilsin.

Hələlik rəsmi Bakı hələlik əməliyyatın nəticələri barədə bəyanat verməyib.

Rusiyan sülhməramlı kontingentinin komandanı general-leytenant Rüstəm Muradov bildirib ki, döyüş zonasında vəziyyət normallaşıb.—0—