Ermənilər Azərbaycan SQ-nin mövqelərinin yerləşdiyi ərazilərin yaxınlığını minalamağa cəhd göstəriblər

Bakı/22.09.22/Turan: Sentyabrın 22-si gecə saat 02:00 radələrində Ermənistan silahlı qüvvələrinin bölmələri Azərbaycan-Ermənistan dövlət sərhədinin Kəlbəcər rayonu istiqamətində növbəti dəfə təxribat törətməyə cəhd edib. Qarşı tərəf Kəlbəcər istiqamətində yerləşən Azərbaycan bölmələrini iriçaplı silahlardan, qumbaraatan və minaatanlardan atəşə tutub, xəbəri Müdafiə Nazirliyinin mətbuat xidməti yayıb.

Ermənistan silahlı qüvvələrinin diversiya qrupu qeyd olunan ərazilərdə dərə boşluqlarını minalamaqla bölmələrimizə basqın etməyə cəhd göstərib.

Azərbaycan Ordusunun bölmələri tərəfindən görülən cavab tədbirləri nəticəsində qarşı tərəf geri çəkilməyə məcbur edilib.

Bildiririk ki, Azərbaycan-Ermənistan dövlət sərhədində baş verən növbəti gərginliyə görə də bütün məsuliyyət məhz Ermənistanın hərbi-siyasi rəhbərliyinin üzərinə düşür, deyə məlumatda bildirilir. 0