Ermənilər Azərbaycana qaytarılacaq əraziləri minalardan təmizləməyə başlayıb
Ermənistanın Tavuş vilayətinin Voskepar kəndi yaxınlığında ərazilərin minalardan təmizlənməsinə başlayıb. Yerli sakinlər iddia edirlər ki, bu ərazilər Azərbaycana qaytarılacaq və minatəmizləmə işləri məhz buna görə aparılır.
Aprelin 22-də səhər saatlarından etibarən polis bu ərazini mühasirəyə alıb və sakinləri oraya buraxmır. Bu ərazidə ermənilər kilsə tikiblər, bu barədə Ermənistan KİV-ləri məlumat yayıb.
Ermənistan baş nazirinin müavini Mqer Qriqoryan yerli sakinlərlə danışıqlar aparmaq üçün regiona gəlməlidir.
Tavuş və Qazax arasındakı hissədə sərhədin demarkasiyası haqqında razılaşma aprelin 19-da Ermənistan və Azərbaycan dövlət komissiyalarının görüşündə əldə olunub. Bu razılaşmalara əsasən, ermənilər 90-cı illərin əvvəllərində işğal olunmuş Qazax rayonunun 4 kəndini Azərbaycana qaytarırlar.
Elə bu gün Avropa İttifaqının Cənubi Qafqaz üzrə xüsusi nümayəndəsi Toyvo Klaar Yerevana gəlib və burada Ermənistan rəhbərliyi ilə görüşlər keçirir.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz