Ermənilər geri addım atdılar – Qarabağı tanımayacaqlar

Bu gün bir neçə saat ərzində Ermənistan Qarabağın müstəqilliyinin tanınması ilə bağlı fikrini dəyişib.

Belə ki, səhər saat 11-də hökumətin iclasında Qarabağın tanınması haqqında qanun layihəsi qəbul edilib və parlamentə göndərilib, parlament bu məsələni mayın 10-da keçiriləcək növbədənkənar iclasının gündəliyinə daxil edib.

Lakin axşama yaxın Yerevanın əhval-ruhiyyəsi gözlənilmədən dəyişib.

Əvvəlcə baş nazirin mətbuat katibi Qoar Qasparyan facebook səhifəsində yazıb ki, “hökumət bugünki iclasında iki deputat tərəfindən təqdim edilmiş Dağlıq Qarabağın müstəqilliyinin tanınması haqqında qanun layihəsi üzrə rəyini təsdiq edib. Rəydə deyilir ki, hökumət sözügedən qanun layihəsinin qəbulunu Ermənistan və Qarabağ arasında müzakirələrin və hadisələrin sonrakı inkişafının, o cümlədən xarici amillərin nəzərə alınması ilə əlaqələndirir. Bu səbəbdən hazırki mərhələdə hökumət Dağlıq Qarabağın müstəqilliyinin tanınması haqqında qanun layihəsini qəbul etməyib”.

Daha sonra Ermənistan XİN rəhbərinin müavini Şavarş Koçaryan çıxış edib, o bildirib ki, “Azərbaycanın yeni aqressiyası olarsa, Qarabağın tanınması məsələsi Ermənistan parlamentinin gündəliyinə daxil olacaq”.

Qeyd edək ki, qanun layihəsinin parlamentin gündəliyinə daxil edildiyi bildirildikdən sonra RF prezidentinin mətbuat katibi Dmitri Peskov diplomatik şəkildə bildirib ki, Moskva tərəflərin kövrək sülhü poza biləcək addımlardan uzaq olacağına ümid edir.

Bunun ardınca Dövlət Dumasının MDB işləri üzrə Komitəsinin rəhbəri Leonid Slutski fikir bildirərək, açıq aşkar “bu qanun layihəsinin sərhəddə zorakılığın artmasına səbəb ola biləcəyini, bunun yolverilməz olduğunu” bəyan edib.

Moskva və Yerevan arasında Ermənistanı belə tez geri addım atmağa vad edəcək hansı dialoqların olduğunu yalnız təxmin etmək qalır. -02В-

Rəy yaz

Siyasət

İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda



Bizi sosial şəbəkələrdə izləyin

Xəbər lenti