Ermənilər işğal edilmiş ərazilərə Suriyalı qaçqınları yerləşdirir - E.Məmmədyarov

Bakı/14.05.18/Turan: Ermənistan məcburi köçkünlərin doğma yurdlarına qayıtmasına mane olmaq üçün Azərbaycanın işğal edilmiş ərazilərinə Suriyalı qaçqınları məskunlaşdırır. Bu barədə Azərbaycan XİN başçısı Elmar Məmmədyarov bu gün Brüsseldə Yaxın Şərqdə dini və etnik təqiblərin qurbanlarına həsr olunmuş nazirlərin beynəlxalq konfransında çıxış edərkən bildirib. "Müxtəlif hesabatlara əsasən, yüzlərlə Suriyalı erməni Azərbaycanın işğal edilmiş ərazilərinə yerləşdirilib. Ermənistan bu hərəkətləri ilə beynəlxlaq hüququ kobud şəkildə pozur. Bunun məqsədi azərbaycanlı qaçqınların doğma evlərinə qayıtmasına mane olmaqdır. Bu, qəbuledilməz və yolverilməzdir", deyə Məmmədyarov bildirib.

Nazir həmçinin qeyd edib ki, Azərbaycan hökuməti son 20 ildə Ermənistan-Azərbaycan münaqişəsi nəticəsində qaçqına və məcburi köçkünə çevrilmiş şəxslərin sosial problemlərinin həllinə 6 mlrd. dollar ayırıb. -06D-