![Jeyhun Bayramov](https://turan.az/resized/media/2023/main/062300063708-750-500-resize.webp)
Jeyhun Bayramov
"Ermənistan müəyyən addımları atmağa hazır olsa, sülh sazişinin əldə olunması tamamilə mümkündür" - C.Bayramov
Bakı/23.06.23/Turan: Ermənistanın Qarabağ ermənilərinin hüquq və təhlükəsizliyinə hansısa beynəlxalq zəmanətlər verilməsi haqqında tələbləri qəbuledilməzdir, bu barədə Azərbaycan XİN başçısı Ceyhun Bayramov bildirib.
"Biz bir sıra səbəblərdən Ermənistan Respublikasının bu cür şərtlərini və ya bəhanələrini qəbul etmirik", deyə o, Reuters agentliyinə müsahibəsində bildirib.
"Ən prinsipial məsələ budur: bu, daxili, suveren məsələdir. Azərbaycan konstitusiyası və Azərbaycanın iştirakçısı olduğu bir sıra beynəlxalq konvensiyalar bu əhalinin hüquqlarına zəmanət vermək üçün bütün zəruri şərtləri təmin edir", deyə o, sözünə davam edib.
O deyib ki, etnik ermənilər Azərbaycan cəmiyyətinə və dövlət qurumlarına inteqrasiya etsələr, digər etnik və dini azlıqlar kimi öz doğma dillərindən istifadə edə və öz dillərində təhsil ala, öz mədəniyyətlərini qoruyub saxlaya bilərlər.
Bununla belə, Bayramov Vaşinqtonda Ermənistan XİN başçısı ilə gələn həftə keçirilməsi planlaşdırılan görüş ərəfəsində deyib ki, "Ermənistan müəyyən addımları atmağa hazır olsa, sülh sazişinin əldə olunması tamamilə mümkündür".
"Təkcə bəyanat vermək deyil, həm də hansısa təcrübi addımlar atmaq istəyi olsa, düşünürəm ki, potensial olaraq ilin sonundan əvvəl də razılıq əldə etmək olar", deyə o qeyd edib.
"Amma real hazırlıq yoxdursa... bu, daha gec ola bilər", deyə Bayramov qeyd edib. 16В06
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz