Əsir ermənilər deyirlər ki, onları döyüşməyə məcbur ediblər və Qarabağı Azərbaycan ərazisi hesab edirlər

Bakı/23.10.20/Turan: Azərbaycan telekanallarında erməni hərbi əsirlərinin dindirilməsilə bağlı kadrlar nümayiş etdirilir. Onlar cəbhəyə necə gəldiklərindən və Ermənistan ordusundakı vəziyyətlə bağlı danışırlar.

Əsir Valeri Ayrapetyan deyir ki, Qarabağa təsadüfən Rusiyadan gəlib. Orada yaşayır və işləyi. Qarabağda bir çox digər gənclər kimi, onun da istəyinə zidd olaraq cəfərbərliyə alıb cəbhəyə göndəriblər. Füzuli rayonunda  atəşə məruz qalıb və digər səkkiz əsgərlə birlikdə qaçıb. Bir gün sonra onlar Azərbaycan hərbçilərinə təslim olublar.

Qarnidən olan digər əsir Edik Tonoyan keçmiş polisdir. İnşaatçı işləyib. Hərbi komissarlıq oğlunu götürəndən sonra onu əvəz edib və cəbhəyə gedib. Horadizdə əsir düşüb, çünki artilleriya atəşindən sonra qaça bilməyib.

Çavuş Albert Mikaelyan təlimin necə təlim keçdiyindən, sonra isə Martunidə hərbi hissəyə göndərildiyindən danışır. Orada ermənilərin tərəfində döyüşən kürd yaraqlıları görüb.

Əsirlərin hamısı erməni xalqına müraciət edərək döyüşməməyə, silahı yerə qoymağa çağırırlar.

Azərbaycanlı hərbçilərin Youtube-da yerləşdirdikləri videoda 8 erməni əsir “Qarabağ Azərbaycandır” deyə qışqırır. -02