Əvəz Zeynallı 9 il, Elnur Şükürov 4 il müddətinə həbs olunub
Əvəz Zeynallı 9 il, Elnur Şükürov 4 il müddətinə həbs olunub
Fevralın 26-da Bakı Ağır Cinayətlər Məhkəməsində Xural TV internet resursunun rəhbəri Əvəz Zeynallının və Sada TV YouTube kanalının rəhbəri Elnur Şükürovun işi üzrə proses başa çatıb.
Müttəhimlərin hər ikisi çıxışlarını məhkəmədən onlara bəraət verməyi istəməklə yekunlaşdırıblar.
Məhkəmə müşavirəyə ayrılıb, daha sonra hökmü elan edib: Əvəz Zeynallı 9 il, Elnur Şükürov isə 4 il müddətinə azadlıqdan məhrum olunub.
Eyni zamanda, məhkəmə Zeynallının mənzilində axtarış zamanı götürülmüş 16 min manatı müsadirə edib.
Xatırladaq ki, prokuror məhkəmədən Zeynallını CM-in 311 (rüşvət alma) və 312-1.1-ci (vəzifəli şəxsin qərarına qanunsuz təsir göstərmə (nüfuz alveri)) maddələri ilə təqsirli bilməyi və 10 il müddətinə azadlıqdan məhrum etməyi,
Şükürovun isə 312-1.1-ci maddə ilə mühakimə edilməsini istəyib.
* Əvəz Zeynallı və vəkil Elçin Sadıqov sentyabrın 10-da rüşvət almaqda şübhəli bilinərək saxlanılıblar, sentyabrın 11-də isə məhkəmə hər ikisini həbs edib. İstintaqın məlumatına görə, Zeynallı həbs edilmiş sahibkar Rasim Məmmədov haqqında nüfuzdan salan məlumatlar dərc etməmək üçün Sadıqovun vasitəçiliyi ilə onun ailəsindən 20 min manat alıb.
Sentyabrın 17-də Bakı Apellyasiya Məhkəməsi Sadıqovun işini ayrıca icraata ayıraraq, onu ev dustaqlığına keçirib.
Sonradan Zeynallıya qarşı CM-in 312-1.1-ci o maddəsi ilə (vəzifəli şəxsin qərarına qanunsuz təsir göstərmə (nüfuz alveri)) yeni ittiham irəli sürülüb. Elnur Şükürov da eyni ittihamla həbs olunub.
Rəy yaz
Siyasət
-
Mayın 17-də ictimai fəal və hüquq müdafiəçisi Bəxtiyar Hacıyevin işi üzrə məhkəmə prosesində zərərçəkən məhkəmə məmuru Orxan Abdullayevin ifadələri dinlənilib.
-
Mayın 17-də Azərbaycan və Belarus prezidentləri Füzulidən Şuşaya gediblər.
-
Bu gün Avropa İttifaqı Şurası Rusiya təbliğatı yayan və Ukraynaya qarşı təcavüzkar müharibəni dəstəkləyən daha dörd KİV-in: "Avropanın səsi", RİA Novosti, "İzvestiya" və "Rossiyskaya qazeta"nın Avropa İttifaqında yayımını dayandırmaq qərarına gəlib.
-
Mayın 15-də Müsavat Partiyasının və Demokratik Qüvvələrin Milli Şurasının üzvü Tofiq Yaqublunun barəsində cinayət işinin ibtidai istintaqı yekunlaşıb. Bu barədə Turan-a Tofiq Yaqublunun qızı Nigar Həzi bildirib.
1 rəy
Gagik
2024-02-27
Nikto ne verit v vashe pravasudie.