![Əvəz Zeynallı məhkəmə heyətinə etiraz edib](https://turan.az/resized/media/2013/main/050100034768-750-500-resize.webp)
Əvəz Zeynallı məhkəmə heyətinə etiraz edib
Mayın 1-də Bakı Apellyasiya Məhkəməsində Əflatun Qasımovun sədrliyi ilə “Xural” qəzetinin baş redaktoru Əvəz Zeynallının işi üzrə hazırlıq iclası başlayıb.
Lakin məhkəmə dinləmələri müttəhimin məhkəmə heyətinə etirazı ilə bağlı təxirə salınıb.
Etiraz onunla əlaqədar olub ki, vaxtilə məhz həmin məhkəmə heyəti Ə.Zeynallının mənzilində, ofisində və avtomobilində axtarışın aparılmasına dair sanksiyadan apellyasiya şikayətinə baxaraq onu təmin etməyib.
Vəkil Elçin Sadıqov Turan-a bildirib ki, etiraza Bakı Apellyasiya Məhləməsinin rəhbəri tərəfindən baxılacaq. Bununla əlaqədar mayın 3-dək fasilə elan edilib.
Şikayətdə birinci instaniya məhkəmənin hökmünün ləğvi və Ə.Zeynallıya bəraət verilməsi əksini tapıb.
Martın 12-də Bakı Ağır Cinayətlər Məhkəməsi Ə. Zeynallının 9 il müddətinə azadlıqdan məhrum edilməsi haqda qərar çıxarıb. Məhkəmə onu CM-in 311.3.3 (külli miqdarda rüşvət alma) və 311.3.4-cü (hədə-qorxu tətbiq olunmaqla rüşvət alma), 306 (məhkəmə qərarlarını icra etməmə) və 213-1-ci (vergidən yayınma) maddələri ilə təqsirli bilir.
Ə.Zeynallı 2011-ci il oktyabrında keçmiş deputat Gülər Əhmədovanın (hazırda özü dələduzluğa görə həbsdədir) şikayəti əsasında həbs edilib.—16B06--
-
- Siyasət
- 2 May 2013 11:12
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz