![REAL hərəkatı İlqar Məmmədova qarşı qanunsuz hərəkətləri pisləyir](https://turan.az/resized/750/500/resize/media/2013/main/050100034764.jpg)
REAL hərəkatı İlqar Məmmədova qarşı qanunsuz hərəkətləri pisləyir
REAL hərəkatı qurumun sədri İlqar Məmmədova qarşı yeni ittihamın irəli sürülməsi ilə əlaqədar bəyanat yayıb. Bəyanatda deyilir: “Mayın 1–də Respublikaçı Alternativ Hərəkatının sədri, prezidentliyə namizəd İlqar Məmmədova qarşı yeni əsassız və qanunsuz ittiham irəli sürülüb. Bundan əvvəl Cinayət Məcəlləsinin 233 (ictimai asayişi pozma) və 315.2-ci (həyat və sağlamlıq üçün təhlükə doğuran güc tətbiq etməklə polisə müqavimət) maddələri ilə ittiham olunan İ.Məmmədova qarşı CM-in 220.1-ci (zorakılıqların, talanların, yanğınların törədilməsi, əmlakın məhv edilməsi ilə müşayiət olunan kütləvi iğtişaşları təşkil etmə və ya belə iğtişaşlarda iştirak etmə) maddəsi ilə ittiham irəli sürülüb.
REAL hərəkatı hesab edir ki, İ.Məmmədova qarşı irəli sürülən yeni ittiham bundan əvvəlki ittihamlar kimi şər və böhtan üzərində qurulub, siyasi hakimiyyətin öz əsas rəqibinə qarşı qərəzli mövqeyindən irəli gəlir. Biz yeni ittihamı prezidentliyə namizəd və İlham Əliyevin real alternativi hesab olunan İ.Məmmədovun və onun sədrlik etdiyi Hərəkatın siyasi fəaliyyətinə qarşı təzyiq vasitəsi kimi qiymətləndiririk. Qeyri- qanuni qərarı ilə ölkə rəhbərliyi cari ilin oktyabr ayında keçiriləcək prezident seçkilərinin şəffaflığını və rəqabətli mühitdə keçəcəyini bir daha şübhə altına saldı.
Eyni zamanda son ittihamın Avropa İnsan Haqları Məhkəməsinin İ.Məmmədovun həbsi ilə bağlı Azərbaycan hakimiyyəti ilə kommunikasiyaya başlamasına qərar verdikdən sonra irəli sürülməsi məsələnin sırf siyasi sifariş əsasında qurulmasının, Azərbaycan hakimiyyətinin siyasi plüralizmə, fikir ayrılığına və rəqabətə qarşı dözümsüzlüyünün bariz nümunəsidir.
Respublikaçı Alternativ Hərəkatı hesab edir ki, Avropa İnsan Haqları Məhkəməsinin İ.Məmmədovun işi ilə bağlı çıxardığı qərar operativlik baxımından Avropa Məhkəməsinin tarixində çox az rast gəlinən praktika olduğundan Azərbaycan hakimiyyəti üçün gözlənilməz olub və hakimiyyəti bir daha qeyri- qanuni və ölkə imicinə xələl gətirən yeni ittiham uydurmağa vadar edib.
Sənəddə Azərbaycan hakimiyyətinin İ.Məmmədova qarşı qeyri- qanuni hərəkətləri pislənilir.--
-
- Siyasət
- 2 May 2013 02:41
-
- İqtisadiyyat
- 2 May 2013 11:17
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz